بهڕێز نێچیرڤان بارزانی جێگری سهرۆكی پارتی دیموكراتی كوردستان جهختی له گرنگیی هاوكاری و ههماههنگیی نێوان فراكسیۆنهكانی پهرلهمانی كوردستان بۆ كاركردن لهپێناو دابینكردنی مافه دهستوورییهكانی ههرێمی كوردستان له عێراق كردهوه و ڕۆڵی پهرلهمانی كوردستانی له چارهسهركردنی كێشهكانی ههرێمی كوردستان لهگهڵ حكوومهتی فیدرالی عێراق به گرنگ لهقهڵهمدا.
بهڕێز جێگری سهرۆكی پارتی، فراكسیۆنی پارتی دیموكراتی كوردستانی ڕاسپارد كه لهگهڵ فراكسیۆنهكانی دیكهی پهرلهمانی كوردستان گرنگی بهو یاسایانه بدهن كه ڕاستهوخۆ پهیوهندییان به بارودۆخ و گوزهرانی هاووڵاتیانهوه ههیه و بۆ ئهم مهبهستهش له نزیكهوه ههماههنگی لهگهڵ حكوومهتی ههرێمی كوردستاندا بكهن.
له كۆبوونهوهكهدا ئێوارهی ئهمرۆ دووشهممه 30/9/2019 له ههولێر، بهڕێزان ئهندامانی فراكسیۆنی پارتی دیموكراتی كوردستان ڕا و بۆچوون و سهرنج و تێبینی و چهند داواكارییهكی پهیوهست به دۆخ و گوزهرانی هاووڵاتیانهوه، خسته ڕوو.
کۆمێنت (0)
تا ئێستا هیچ کۆمێنتێک نەکراوە.