ڕۆژی پێنجشه‌ممه ڕێكه‌وتی ۲٠۱۹/۱٠/۳ یه‌كێتیی نووسه‌رانی كورد لقی هه‌ولێر ؛ كۆڕێكی به ناوونیشانی (دروێنه‌ی ڕۆژه‌كانی زیوه‌ر خه‌تاب و وته‌یه‌ك له باره‌ی هونه‌ری هه‌ڤپه‌یڤینه‌وه) بۆ نووسه‌ر ئازاد عه‌بدولواحید ساز كرد.
سه‌ره‌تای كۆره‌كه له‌به‌ر ناساغی م . زیوه‌ر خه‌تاب كه نه‌یتوانی بێته كۆڕه‌كه‌وه وته‌یه‌كی تۆماركراوی بۆ به‌خێر هێنانی ئاماده‌بووان هه‌بوو دواتر نووسه‌ر ئازاد عه‌بدلواحید زۆر به كورتی باسێكی هونه‌ری گفتوگۆی له‌ڕۆژنامه‌نووسیی كوردیدا پێشكه‌شكرد ، ئه‌نجا نووسه‌ر چووه سه‌ر هه‌ڤپه‌یڤینه‌كه‌ی م. زیوه‌ر خه‌تاب به‌وه‌ی كه به پشوویه‌كی درێژ و له ماوه‌ی چه‌ند مانگێكدا ساز كرابوو ،ئه‌و هه‌ڤپه‌یڤینه دوورودرێژه كه كراوه‌ته كتێب ؛ له دووتوێی (۲٥٠) لاپه‌ڕه‌دا چاپ كراوه و له كۆڕه‌كه‌دا دابه‌ش كرا .
هه‌ر له‌م كۆڕه‌دا نووسه‌ر ئیسماعیل به‌رزبجی وته كورته‌كه‌ی م. زیوه‌ر خه‌تاب كه بۆ كتێبه‌كه‌ی نووسیوه خوێنده‌وه و هه‌ندێ بیره‌وه‌ری خۆی له‌گه‌ڵی گێڕایه‌وه ؛ پاشان نووسه‌ران : "موحسین ئاواره " د. حه‌سه‌ن جاف " حاكم عه‌بدولباست فه‌رهادی " خوسره‌و جاف " د. عه‌لی چكول " موحسین محه‌مه‌د " عه‌باس عه‌بدوڵڵا یوسف قسه‌یان له باره‌ی كۆڕه‌كه‌وه كرد .
شایانی باسه كۆڕه‌كه سه‌عات و نیوێكی خایاند و نووسه‌ران و ئه‌دیبان و ڕۆژنامه‌نووسان و مامۆستایانی زانكۆ و هونه‌رمه‌ندان و سه‌وداسه‌رانی كۆڕی ئه‌ده‌بی و ڕووناكبیری به ژماره‌یه‌كی به‌رچاو ئاماده‌ی بووبوون ؛ له شاری كۆیه‌شه‌وه كۆمه‌ڵێ له نووسه‌ران ئاماده‌ی كۆڕه‌كه ببوون .
له كۆتایی كۆڕه‌كه‌دا مامۆستا جوان خاڵص ئه‌لقازی خێزانی م. زیوه‌ر خه‌تاب وتاری بنه‌ماڵه‌ی خوێنده‌وه و سپاسی هه‌وڵ و ماندووبوونی نووسه‌ر ئازاد عه‌بدولواحیدی كرد چونكه زۆر دڵی (م.زێوه‌رخه‌تاب)ی خۆشكرد .
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.