سەرۆکایەتیی پەرلەمانی کوردستان بە بۆنەی هاتنەوەی جەژنی جەما، بەیاننامەیەکی پیرۆزبایی ئاراستەی کوردانی ئێزیدی دەکات، ئەمەی خوارەوە دەقەکەیەتی:
بەناوی پەرلەمانی کوردستانەوە بەبۆنەی جەژنی جەما جوانترین پیرۆزبایی ئاراستەی بەڕێز میری ئێزیدیان و جڤاتی رۆحانی و سەرجەم کوردانی ئێزیدی لە هەرێمی کوردستان و عێراق و جیهان دەکەین، جەژنی جەما کە لە ٦ی ئۆکتۆبەری هەموو ساڵێك دەستپێدەکات تاکو ۱۳ی ئۆکتۆبەر بەردەوام دەبێت، ئومێدەوارین ببێتە جەژنی نوێ بوونەوە و قوڵکردنەوەی کولتوری پێکەوەژیان لە هەرێمی کوردستان ، لە ساڵانی ڕابردوو کوردانی ئێزیدی زوڵم وستەمی زۆریان لە دەستی داعش بینی ،هیوادارین ئەم جەژنە ببێتە مایەی خێر و خۆشی و ڕزگارکردنی دیلەکانیان و ئاوەدانکردنەوەی ناوچەکانیان، دووبارە پیرۆز بێت و هەر بمێنن بە خێر و خۆشی.
سەرۆکایەتیی پەرلەمانی کوردستان
٥ ی ئۆکتۆبەری ٢٠١٩
کۆمێنت (0)
تا ئێستا هیچ کۆمێنتێک نەکراوە.