به‌پێى هه‌واڵیكى رۆیته‌رز، نێردراوى ڤلادمیر پوتین سه‌رۆكى روسیا له سوریا له راگه‌یاندراوێكى رۆژنامه‌وانیدا رایگه‌یاند: مۆسكۆ په‌لاماردانه‌كه‌ى توركیاى بۆ سه‌ر سوریا پێ قبوول نییه و پێویسته ئه‌نقه‌ره به‌م زووانه كۆتایى به‌و هێرشه بهێنێت.
ئه‌لیگزانده‌ر لاڤره‌نتیف نێرده‌ى سه‌رۆكى روسیا له سوریا له كۆنگره‌یه‌كی رۆژنامه‌وانیدا له ئه‌بوزه‌بى كه به‌سه‌ردانێكى فه‌رمى و به‌سه‌رۆكایه‌تى پوتین له‌گه‌ڵ شاندى سه‌رۆكایه‌تى وڵاته‌كه‌ى چووبوو، به رۆژنامه‌نووسانى راگه‌یاند: ئێمه رازى نابین به مانه‌وه‌ی توركیا له سوریا و له كرداره‌كانیانش رازى نیین.
ئه‌لیگزانده‌ر ده‌رباره‌ى ره‌وشى باكوورى سوریا ئاماژه‌ى به هێرشه‌كه‌ى توركیا داو و گوتى: به‌پێى ئه‌و رێككه‌وتنه‌ى ئه‌ده‌نه كه له‌نێوان دیمه‌شق و ئه‌نقه‌ره واژۆكراوه له ساڵى 1998، توركیا مافى ئه‌وه‌ى هه‌یه 10 كیلۆمه‌تر به درێژایى سنوورى نێوان سوریا و توركیا بێته نێو خاكى سوریا به به‌هانه‌ى رووبه‌ڕووبوونه‌وه‌ى تیرۆریستان.
ئه‌لیگزانده‌ر لاڤره‌نتیف گوتیشى: ئه‌و رێككه‌وتنه ماف به سوپاى توركیا نادات تا له‌سه‌ر خاكى سوریا بۆ هه‌میشه‌یى بمێننه‌وه و ئێمه رازى نابین له مانه‌وه‌ى هێزه‌كانى توركیا له سوریا بۆ ماوه‌یه‌كى هه‌میشه‌یى.
ئه‌لیگزانده‌ر هه‌روه‌ها جه‌ختى له پارێزگارى سنوورى نێوان سوریا و توركیا كرد و گوتى: ئاسایشى سنوورى نێوان سوریا و توركیا ده‌بێت پارێزراوبێت و له‌لایه‌ن بڵاوبوونه‌وه‌ى سه‌ربازى سوپاى حكومه‌تى سوریا به درێژایى ته‌واوى ئه‌و سنووره‌ى نێوان توركیا و سوریا، بۆیه هه‌رگیز پشتگیرى و قسه‌مان نه‌كرد له‌سه‌ر بیرۆكه‌ى بڵاوبوونه‌وه‌ى یه‌كه‌ى توركى له‌و ناوچه‌یه.
ئه‌لیگزانده‌ر ئاماژه‌ى به‌وه‌شدا و گوتى: كرداره‌كانى توركیا ووروژاندنى هه‌ستیاریى ئاینیى له باكوورى سوریا ده‌خاته مه‌ترسییه‌وه و به‌ندكراوه‌كانى داعشى به 12 هه‌زار مه‌زه‌نده كرد كه له باكوورى خۆرهه‌ڵاتى سوریا به‌ندكرابوون.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.