سهرۆكایهتی ههرێمی كوردستان، سهبارهت به ھێزی ھاوپەیمانان بە سەرکردایەتیی سوپای ئەمەریکا راگهیهندراوێكی بڵاوكردهوه دهڵێت: لە ساڵی 1991، تا ڕووخاندنی ڕژێمی بەعس لە ساڵی 2003 و تێکشکاندنی گرووپی تیرۆرستی داعش لەم چەند ساڵەی ڕابردوودا، شانبەشانی ھێزی پێشمەرگەی کوردستان قوربانییان داوە.
دهقی راگهیهندراوی سهرۆكایهتی ههرێمی كوردستان:
ھێزی ھاوپەیمانان بە سەرکردایەتیی سوپای ئەمەریکا ڕۆڵێکی سەرەکییان ھەبووە لە پاراستن و ھاوکاریکردنی ھاوڵاتیانی ھەرێمی کوردستان، ھەر لە ڕاگەیاندنی ناوچەی دژەفڕینهوه لە ساڵی ١٩٩١، تا ڕووخاندنی ڕژێمی بەعس لە ساڵی ٢٠٠٣ و تێکشکاندنی گرووپی تیرۆرستی داعش لەم چەند ساڵەی ڕابردوودا، ھەر لەم پێناوەشدا شانبەشانی ھێزی پێشمەرگەی کوردستان قوربانییان داوە و بەرگرییان لە ھەرێمی کوردستان کردووە.
نابێت ڕۆڵ و خەباتی ھاوپەیمانان، بەتایبەتی سوپای ئەمەریکا، تێکەڵ بە بڕیاری نەخوازراوی سیاسی بکرێت. ھەرێمی کوردستان ڕێز و پێزانینی بۆ ھێزی ھاوپەیمانان و سوپای ئەمەریکا دووبارە دەکاتەوە و خەبات و قوربانیدانیان بەرز ڕادەگرێت.
سهرۆکایهتیی ههرێمی کوردستان
٢١/١٠/٢٠١٩
کۆمێنت (0)
تا ئێستا هیچ کۆمێنتێک نەکراوە.