عێراق.. خۆپیشاندانی به‌رفراوان له‌ به‌غدا و چه‌ند شارێکی دیکه‌ به‌ڕێوه‌ده‌چێت

خۆپیشانده‌رانی عێراق ده‌ستیان به‌ خۆپیشاندانی به‌رفراوان كرده‌وه‌، ئه‌مڕۆ له‌ به‌غدا و چه‌ند شارێكی دیكه‌ی باشووری عێراق خۆپیشاندان به‌ڕێوه‌ده‌چێت. 

شه‌وی ڕابردوو خۆپیشانده‌رانی به‌غدا گروپ گروپ ڕوویان له‌ گۆڕه‌پانی ته‌حریر كرد و له‌وێشه‌وه‌ به‌ره‌و ناوچه‌ی سه‌وز به‌رێكه‌وتن و به‌پێی چه‌ند سه‌رچاوه‌یه‌كی ئه‌منیش خۆپیشانده‌ران دزه‌یان كردووه‌ته‌ نێو ناوچه‌ی سه‌وز و له‌لایه‌ن هێزه‌ ئه‌منییه‌كانه‌وه‌ بڵاوه‌یان پێكرا. 

هێزه‌ ئه‌منییه‌كانی به‌غدا به‌ مه‌به‌ستی ڕێگه‌گرتن به‌ خۆپیشاندانی به‌رفراوان چه‌ند شه‌قام و ڕێگای سه‌ره‌كی به‌غدایان گرتووه‌، به‌ڵام خۆپیشانده‌ران سوورن له‌سه‌ر ئه‌وه‌ی ئه‌مڕۆ خۆپیشاندانی به‌رفراوان  به‌ڕێوه‌ببه‌ن .