ڕێبەری ڕەوتی سەدر پەیامێكی توند سەبارەت بە كوشتن و برینداركردنی خۆپیشاندەران بڵاودەكاتەوە و داوای دەستلەكاركێشانەوەی سەرۆك وەزیران و هەڵوەشاندنەوەی حكومەتی عیراق دەكات.
لەگەڵ بەردەوامبوونی خۆپێشاندانەكانی عێراق كە ئەمڕۆ شەممه دووەم رۆژی بوو و دەیان قوربانی لێ كەوتەوە، موقتەدا سەدر جارێكی تر هاتە سەر دهنگ و داوای لە عادل عەبدولمەهدی و حكوومەتی عێراق كرد دەست لەكار بكێشنەوە.
موقتەدا سەدر، ڕێبەری ڕەوتی سەدر لە هەژماری خۆی لە فەیسبووك لە پەیامێكدا ئاماژەی بەوەكردووە، ئەگەر هەندێك پێیان وایە خۆپیشاندان و مانگرتن و گردبوونەوەكان چارەسەر نیین، ئایا (دەستگرتن بە دەسەڵاتەوە) چارەسەرە، لەكاتێكدا هیچ توانایەكیان نییە بۆ كۆتایی هێنان بە ئازارەكانی گەل و ڕزگاركردنیان لە گەندەڵكاران و دابین كردنی ژیانێكی شایستە بۆیان.
ڕاشیگەیاندووە، ئەگەر دەتانەوەی گەل نەكوژرێ، كەوایە ئەی گەندەڵكاران دەست لەسەریان هەڵگرن و داپڵۆسین و زۆرداری جیاكاری وازلێبێنن، چونكە ئەوان كەرامەت و ژیانێكی خۆشیان دەوێت و وڵاتێكی بێ گەندەڵی و بێ گەندەڵكارانیان دەوێت.
سەدر هۆشداری داوە، وازبێنن…بۆ ئەوەی بەرەو فیتنە و جەنگی ئەهلی نەڕوات و دەشڵێت: “دەستلەكاربكێشنەوە پێش ئەوەی قسە بكەن.
کۆمێنت (0)
تا ئێستا هیچ کۆمێنتێک نەکراوە.