مەزلوم كۆبانێ، فەرماندەی گشتی هێزەكانی سوریای دیموكرات( هەسەدە) رایگەیاند" ئەبوحەسەن موهەجیر، وتەبێژی رێكخراوی تیرۆریستی داعش لە تەرابلوس كوژرا.
مەزلوم كۆبانێ، لە تویتێكدا كە كەمێك پێش ئێستا لە هەژماری تایبەتی خۆی لە تۆڕی كۆمەڵایەتی "تویتەر" بڵاویكردەوە رایگەیاند،"لە بەردەوامی ئەو كردەوەی پێشوودا كە تیایدا ئەبوبەكر بەغدادی، ئەمیری رێكخراوی داعش كوژرا، تیرۆریست ئەبو حەسەن ئەلموهاجیر، یاریدەدەری ئەبوبەكر بەغدادی و وتەبێژی رێكخراوی داعش لە گوندی عەین ئەلبەیزە لە تەرابلوس كوژراوە".
وتیشی،"ئەو كردەوەیە بە هەماهەنگی راستەوخۆی نێوان هێزەكانی هەواڵگری هەسەدە و سوپای ئەمریكا ئەنجامدراوە".
ئەمڕۆ دۆنالد ترەمپ سەرۆكی ئەمریكاو هێزەكانی هەسەدە و دەزگای هەواڵگری عێراقی لە چەندین لێدوان و راگەیەندراوی جیاوازدا كوژرانی ئەبوبەكر بەغدادی، ئەمیری رێكخراوی تیرۆریستی داعشیان راگەیاند.
کۆمێنت (0)
تا ئێستا هیچ کۆمێنتێک نەکراوە.