عەقید ئەسعەد كەریم گوتەبێژی بەڕێوەبەرایەتیی گشتیی ھاتوچۆی ھەرێم، بە ماڵپەڕی فەرمیی پارتی دیموكراتی كوردستانی راگەیاندووه كه بەڕێوەبەرایەتیی گشتیی ھاتوچۆ سەرقاڵی رێكخستنەوەی مۆڵەتی شوفێرییە لە ھەرێمی كوردستان و بڕیارە مۆڵەتی شوفێری لە سەرتاسەری ھەرێم رێك بخرێتەوە و بە سیستەمێكی پێشكەوتووی یەكگرتوو كاری پێبكرێت، لە ئێستاشدا خەریكی دانانی میكانیزمی نوێین بۆ دەرھێنانی مۆڵەتی شوفێری و دوای پێداچوونەوە دەكەوێتە بواری جێبەجێكردنەوە.
راشیدهگهێنێت كه سەرەتای پلانەكەمان لە نووسینگەكانی فێركردنی شوفێری دەست پێدەكات و ئەو نووسینگانەی راھێنان بە ھاووڵاتیان دەكەن بۆ چۆنیەتی فێركردنی شوفێر پێداچوونەوەیان بۆ دەكرێت و رێك دەخرێنەوە.
عەقید ئەسعەد گوتهبێژى بهرێوهبهرایهتى هاتووچۆی ههرێم دهشڵیت ، قۆناغی دووەمی پلانەكە دەچینە نێو وردەكاریی دەرھێنانی مۆڵەتی شوفێری بە شێوەی ئەلیكترۆنی، چونكە لە ئێستادا جیاوازی لە سیستەمی دەرھێنانی مۆڵەتی شوفێریدا ھەیە و ھێشتا لە بەشێك لە قەزاكان بە سیستەمی كۆن كار دەكرێت و نەكراوەتە ئەلیكترۆنی، ئەوانە ھەموو رێك دەخرێتەوە و مەرجی نوێی تێدا جێگیر دەكرێت
.
کۆمێنت (0)
تا ئێستا هیچ کۆمێنتێک نەکراوە.