موقتەدا سەدر، ڕێبەری ڕەوتی سەدر دوای سەردانەكەی بۆ ئێران، ئەمڕۆ گەڕایەوە شاری نەجەف.
شەوی ڕابردوو، سەدر لە پەیامێكدا بۆ عادل عەبدولمەهدی، سەرۆك وەزیرانی عیراق داوای دەستلەكاركێشانەوە و پێكهێنانی حكومەتی كاربەڕێكەری كرد.
لای خۆشیەوە، ئەمڕۆ لەوەڵامێكدا، عادل عەبدولمەهدی سهرۆك وهزیرانی عێراق ڕایگەیاند، كە حكومەتی كاربەڕێكەر چارەسەری دۆخەكە ناكات و لەگەڵ هەڵوەشاندنەوەی حكومەت دەبێت پەڕلەمانیش هەڵبوەشێتەوە.
گەڕانەوەی سەدر لەکاتێکدایە شەوی رابردوو لە پەیامێکیدا، رێبەری رەوتی سەدر داوا لە عادل عەبدولمەهدی سەرۆکوەزیرانی عێراق دەکات بچێتە پەرلەمانی عێراق و هەڵبژاردنی پێشوەخت رابگەیێنێت کە بەبێ بەشداری حیزبەکانی ئێستا بێت.
کۆمێنت (0)
تا ئێستا هیچ کۆمێنتێک نەکراوە.