شه‌ڕوپێكدادان له ڕۆژئاوا به‌رده‌وامه و هه‌سه‌ده‌ش ئاشكرای ده‌كات له 24 كاتژمێری ڕابردوودا 58 چه‌كدار كوژراون.
ئەمڕۆ 2-11-2019، ناوەندی ڕاگەیاندنی هێزەكانی سوریای دیموكرات (هەسەدە) لە راگەیەنراوێكدا ئاماری شەڕەكانی 24 كاتژمێری ڕابردووی نێوان گروپە چەكدارەكان و شەڕڤانان بڵاوكردەوەو ئاشكرایكردووە، لەو هەرێمانەی ئاگربەستی تێدا ڕاگەیەنراوە، سوپای توركیا و گروپە چەكدارەكان چەند هێرشێكیان ئەنجامداوە، هێزەكانی هەسەدەش ڕووبەڕوویان بوونەتەوەو شەڕی قورس ڕوویداوە.
له به‌شێكی تری ڕاگه‌یه‌نراوه‌كه‌دا هاتووه، سوپای توركیا هێرشی كردووه‌ته سه‌ر گونده‌كانی ده‌وروبه‌ری زرگان و ته‌ل ته‌مر له ئه‌نجامدا 58 سه‌رباز كوژراون و 10 ئۆتۆمبێلی سه‌ربازیش له‌ناو براون.
کۆمێنت (0)
تا ئێستا هیچ کۆمێنتێک نەکراوە.