نوێنەری تیمی نەتەوەیەکگرتوەکانی تایبەت بە کۆکردنەوەی تاوانەکانی داعش (UNITAD) لەگەڵ وەزارەتی کۆچ و کۆچبەران و ئەنجومەنی دادوەری عێراق کۆبووەو به پێویستی زانی تاوانەکانی داعش بەرامبەر پێکهاتە جیاوازەکانی عێراق ئەرشیف بکرێت و لێپرسینەوەش لە بکەرانی بکرێت.
ئەمڕۆ کەریم خان نوێنەری تیمی نەتەوەیەکگرتوەکانی تایبەت بە کۆکردنەوەی تاوانەکانی داعش (UNITAD) لە دوو کۆبوونەوەی جیاوزدا لەگەڵ نوفل بەهائەدین، وەزیری کۆچ و کۆچبەران، و فائق زێدان، سەرۆکی ئەنجومەنی دادوەری عێراق کۆبووەتەوە و باسی لە گرنگی پاراستن و ئەرشیفکردنی تاوانەکانی داعش کردەوە.
هاوکات باسی لەوەشکردوە، دوای کۆکردنەوەی بەڵگەکان نەتەوەیەکگرتەوەکان بە پێویستی دەزانێت تاوانباران رووبەرووی لێپرسینەوە بکرێنەوە و سزای خۆیان وەربگرن.
ئەوە لە کاتێکدایە لە ماوەی سێ ساڵی دەسەڵاتی داعش لە شارەکانی موسڵ، سەڵاحەدین و بەشێکی دیالە و ئەنباران سەدان کوژران و هەزاران کەسیش برینداربوون، هاوکات زیاتر لە سێ ملیۆن هاوڵاتیش ئاوارەی ناوچەکانی هەرێمی کوردستان و بەغدا و شارە ئارامەکان بوون.
کۆمێنت (0)
تا ئێستا هیچ کۆمێنتێک نەکراوە.