ئه‌مڕۆ دووشه‌مه (٤-١١-٢٠١٩) له هه‌ولێر. به ئاماده‌بوونی وه‌زیری رۆشنبیری و لاوان و به‌ڕێوه‌به‌ری گشتی رۆشنبیری و هونه‌ری هه‌ولێر،له‌لایه‌ن به‌ڕێوه‌به‌رایه‌تی گشتی رۆشنبیری و هونه‌ری هه‌ولێر- ب. هونه‌ری شێوه‌كاری، پیشانگایه‌كی تایبه‌تی شێوه‌كاری بۆ هونه‌رمه‌ند (د. عه‌لی حوسێن) له‌ژێر ناونیشانی (ئه‌ڤین له سیمفۆنیای ره‌نگه‌كانی د. عه‌لی حوسێن) كرایه‌وه.
له پیشانگایه‌كه دا، چه‌ندین تابلۆی ره‌نگاوڕه‌نگی هونه‌ریی نمایش كرابوون، كه بووه مایه‌ی سه‌رنج و سه‌رسامیی ئاماده‌بووان.
شایانی باسه كه هونه‌رمه‌ندی شێوه‌كار (د. عه‌لی حوسێن) له شاری كه‌ركووك له‌دایك بووه و ئه‌ندامی سه‌ندیكای هونه‌رمه‌ندانی كوردستان- لقی سلێمانی، ئه‌ندامی یه‌كێتیی نووسه‌رانی كوردستان- لقی كه‌ركووك، ئه‌ندامی شێوه‌كارانی جیهانییه و دكتۆرای له زانكۆی ئیلز ئینترناشنال له له‌نده‌ن وه‌رگرتووه.
خاوه‌نی ١٤ پیشاناگای شێوه‌كاریی تایبه‌ته و له زیاتر له ٤٠ پیشانگای شێوه‌كاریی هاوبه‌ش له‌ناوه‌وه و ده‌ره‌وه‌ی كوردستانیش به‌شداریی كردووه.
فۆتۆ: سه‌ردار قادر
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.