ئافره‌تێكی خەڵکی سەقز لە کاتی خۆپێشاندانەکانی شاری تاران بە تەقەی راستەوخۆی هێزە چەکدارەکان گیانی لەدەست داوە.
رێكخراوی هه‌نگاو بۆ مافه‌كانی مرۆڤ بڵاوی كرده‌وه كه ئافره‌تێكی خەڵکی سەقز بە ناوی “مینا شیخی” کە تەمەنی نزیک بە 50 ساڵ بووە، لە کاتی خۆپێشاندانەکانی شاری تاران، بە هۆی دەستڕێژی ڕاستەوخۆی هێزە چەکدارەکانی ئێران بۆ سەر خەڵک، گیانی لەدەستدا.
سەرچاوەیەکی ئاگادار لەمبارەوە بە هەواڵنێری هەنگاوی ڕاگەیاندووه كه مینا شێخی بۆ سەردانی ماڵی کچەکەی کە دانیشتووی شاری تارانن سەردانی ئەو شارەی کردبوو.
ئەو سەرچاوە لە درێژەدا ڕایگەیاند تا ئێستا تەرمی مینا شێخی ڕادەستی بنەماڵەکەی نەکراوەتەوە.
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.