چه‌کدارانى داعش هێرشى کرده‌ سه‌ر سوپای عێراق کوژراو برینداربوون هه‌یه‌

چه‌كدارانی داعش له‌ نزیك گوندی ئیسڵاحی سه‌ربه‌ شارۆچكه‌ی گوڵاڵه‌ هێرشیان كرده‌ سه‌ر یه‌كه‌یه‌كی سوپای عێراقی و له‌ ئه‌نجامدا حه‌وت كه‌س كوژران و برینداربوون. 

سه‌رچاوه‌یه‌ك به‌ كوردستانی تیڤی ڕاگه‌یاند كه‌ تیرۆرستانی داعش له‌ نزیك گوندی ئیسڵاحی سه‌ربه‌ شارۆچكه‌ی گوڵاڵه‌ هێرشیان كرده‌ سه‌ر یه‌كه‌یه‌كی سوپای عێراقی و به‌هۆیه‌وه‌ ئه‌فسه‌رێك به‌ پله‌ی ڕائید و دوو سه‌رباز و هاووڵاتییه‌كی سڤیل كوژران و ئه‌فسه‌رێك به‌ پله‌ی نه‌قیب و دوو سه‌ربازی دیكه‌ش برینداربوون.

 ئه‌و سه‌رچاوه‌یه‌ ڕاشیگه‌یاند كه‌ خه‌ڵكی گونده‌كه‌ به‌هانای سوپای عێراقه‌وه‌ چوون و دوای هێرشه‌كه‌ش چه‌كدارانی ناوچه‌كه‌یان چۆڵ كردووه‌ .