ن/ دارۆ عزيز
چیرۆك ؛ گێڕانه‌وه‌ی زنجیره‌یه‌ك ڕووداوه كه‌دیزاین كراوه بۆ سه‌رنج ڕاكێشان و دڵخۆشكردن یان ڕاگه‌یاندنی شتێك.
به ڕوانه‌ران یان خوێنه‌ران، چیرۆك پێویستی به‌وه نییه كه‌گرفت دروست بكات یان كۆمه‌ڵه حه‌زێك بخوڵقێنێ. زۆربه‌ی چیرۆكه‌كان تا ڕاده‌یه‌كی زۆر ئه‌م شێوه‌ی باسمان لێوه‌كرد به‌كاردێنن.
گرێ ؛ مه‌به‌ست له‌چۆنێتی ڕێكخستنی هه‌موو شته‌كانه به‌گشتی تاكو ڕوخسارێكی یه‌كگرتوو و سه‌رنج ڕاكێشی هه‌بێت. خاتوو لیندا گوگیل دروستكردنی گرێی چیرۆك له‌سه‌ر سێ هۆكار دیاری ده‌كات، ئه‌م سێ خاڵه له
كتێبی/Writing Short Films چاپی/ 2005 لاپه‌ڕه/ 85
یه‌كه‌م/ گرێكه ده‌بێت ئاماژه به‌ڕێكخستنی ڕووداوه‌كان بدات تاكو مه‌به‌ستی ویستراو بپێكێت، گرێكه وا دروستكراوه كه مه‌به‌ستێك دروست بكات و بیپێكێت و بگاته ترۆپك
و له كۆتایدا شتێك ڕوو بدات ؛ گرێ ته‌نها زنجیره ڕووداویك نییه { لێره‌دا جیاوازیه‌كه‌مان بۆ ده‌رده‌كه‌وێت له نێوان چیرۆك و گرێدا )} ڕووبدات و شتێكی دیاریكراو و ساده بپێكێ، به‌ڵكو گرێ هه‌میشه ئامانجی ئه‌وه‌بووه له‌كۆتایدا بگاته خاڵی
ترۆپك و كۆتایی.
دووه‌م/ گرێ له‌سه‌ر ڕووداوی پێكدادان دروست ده‌بێت، ئه‌مه‌ش بناغه‌ی دامه‌زراندنی هه‌موو گرێیه‌كه. ئه‌م شێوه‌یه په‌یوه‌ندی هۆكارو ده‌رئه‌نجام دروست ده‌كات له‌نێوان دیمه‌نه‌كاندا كه هۆیه‌كه بۆ دروستكردنی به‌رده‌وامی ئاكشنه‌كان و گه‌شه‌سه‌ندنی
پێكدادانه‌كانیش له‌هه‌مان كاتدا.
سێیه‌م/ گرێ كه ده‌بێت ئاڵۆزی و گرفتی زۆر تیابێت تاكو ئاره‌زووی ته‌ماشاكردنی ڕوانه‌ر به‌رده‌وام بێت و تامه‌زرۆی ئه‌وه‌بن كه‌چی ڕووده‌دات.
گرێ كه‌وتۆته سه‌رچیرۆكه‌كه ڕه‌نگه به‌هێزبێت و توندبێت ڕه‌نگه نه‌رم و هێواش بێت، به‌ڵام ده‌بێت ئه‌وه‌نده كاریگه‌ربێت تاكو ئاره‌زووی ڕوانه‌ر ڕاكێشێت، ئه‌وه‌ی له‌هه‌مووی گرنگتره ئه‌وه‌یه كه گرێ ته‌نها نابێت گرژی و ئاڵۆزیه‌ك بێت ته‌نها بۆئه‌وه‌ی ئاڵۆزیه‌ك هه‌بێت له‌ئارادا، { به‌ڵكو ده‌بێت شتێكی زۆر گرنگ بگه‌یه‌نێت له‌لای كاره‌ئه‌كته‌ركه تاكو ڕوانه‌ریش له گرنگیه‌كه‌ی تێبگات}.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.