به‌رێوه‌به‌رایه‌تی رۆشنبیری و هونه‌ری ئاكرێ به هاوكاری بزاڤی رۆشنبری له ئاكرێ له هۆڵی كونفرانسه‌كانی ئاكرێ به ئاماده‌بوونی ژماره‌یه‌ك به‌رپرسی سیاسی و حكوومی و نووسه‌رو رۆژنامه‌نوس و هونه‌رمه‌ندانی ده‌ڤه‌ره‌كه شاعیری ناسراو ئازاد مسته‌فا نوێترین به‌رهه‌می خۆی به‌ناوی ( با) بڵاو كرده‌وه.
شاعیری ناسراو ئازاد مسته‌فا رایگه‌یاند:" ماوه‌یه‌ك بوو كارم له‌سه‌ر ئه‌و به‌رهه‌مه ده‌كرد، كه كۆمه‌لێك شیعری نوێ له خۆ ده‌گرێت و چاوه‌ڕێ بووم بڵاو بكه‌مه‌وه، به‌ڵام به‌هۆی ئه‌و باروودۆخه‌ی له كوردستانی رۆژئاوا دروستبوو بۆ چه‌ند هه‌فته‌یه‌ك رامگرت، ئێستا بڵاوم كرده‌وه به ئاماده‌بوونی ژماره‌یه‌كی زۆر نووسه‌رو رۆژنامه‌نوس و شاعیرو هونه‌رمه‌ندانی كوردستان له هۆڵی كونفرانسه‌كانی ئاكرێ.
ئازاد ئه‌وه‌شی گوت:" به‌رهه‌می (با) پره له وشه‌ی جوان و ناسكی دڵداری و خۆشه‌ویستی،هه‌میشه پێویسته شاعیر یان نووسه‌ر ئه‌و به‌رهه‌مانه بنوسێت و چاپ و بڵاو بكاته‌وه كه خوێنه‌ر ده‌یه‌وێت نه‌ك خودی خوی بۆیه بۆ ئه‌مجاره‌ش كۆمه‌لێك شیعری نوێمان به‌چاپ گه‌یاندن به‌هیوای ئه‌وه‌ی به‌دڵی خوێنه‌رانی شیعر بن و هیوادارم بتوانم به‌رده‌وام بم له ده‌وڵه‌مه‌ندكردنی بواری ئه‌ده‌بی كوردی و په‌رتووكخانه‌ی كوردی .
سه‌رچاوه/ زاری كرمانجی
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.