له‌هۆڵی میدیا به‌ئاماده‌بوونی دكتۆر (سالار عوسمان ) بریكاری وه‌زاره‌تی ڕۆشنبیری و لاوان ، (تاهیر عه‌بدوڵڵا ) جێگری پارێزگاری هه‌ولێر ، ( نیاز نوری )نه‌قیبی سه‌ندیكای هونه‌رمه‌ندانی كوردستان ، ( فه‌رهه‌نگ غه‌فوور) به‌ڕێوه‌به‌ری گشتی ڕۆشنبیری و هونه‌ری هه‌ولێر، مه‌ڕاسیمی كرانه‌وه‌ی شه‌شه‌مین فێستیڤاڵی نێوده‌وڵه‌تیی هه‌ولێر بۆ شانۆ به‌رێوه‌چوو.
دوای خوله‌كێك وه‌ستان بۆ گیانی پاكی شه‌هیدان ، وتاری به‌خێرهاتن له‌لایه‌ن ( هیوا سوعاد ) سه‌رۆكی فێستیڤاڵ خوێندرایه‌وه ، پاشان هه‌ریه‌كه له وتاری وه‌زاره‌تی ڕۆشنبیری و لاوان ، پارێزگاری هه‌ولێر ، سه‌ندیكای هونه‌رمه‌ندانی كوردستان خوێندرایه‌وه ، له‌به‌شێكی تری مه‌ڕاسیمه‌كه‌دا ڕێز له ئه‌زموون و به‌خششی هونه‌رمه‌ندانی خوالێخۆشبێت( ته‌ڵعه‌ت سامان ، ئه‌نوه‌ر شێخان) ـی نرا ، پاشان بالێی پێكه‌وه ژیان نمایشكرا ، له‌كۆتاییدا لێژنه‌ی دادوه‌ری ناسێندراو مه‌ڕاسیمه‌كه به كۆتا هات .
کۆمێنت (0)
تا ئێستا هیچ کۆمێنتێک نەکراوە.