واین ڕۆنی ئهستێرهی پێشووی یانهی مانچستهریونایتدو گۆڵكاری مێژوویی ههڵبژاردهی ئینگلتهرا له كۆنگرهیهكی ڕۆژنامهوانیدا، باسی له ئهركی وهرزشی نوێی خۆی له یاریگاكان كرد
ڕۆنی ئێستا یاریزان و ڕاهێنهری یانهی دێربی كاونتی ئینگلیزیه، یانهكهش له خولی یانه پله یهكهكانی ئینگلتهرا یاری دهكات و ههوڵ دهدات سهربكهوێت بۆ ڕیزی یانه پله نایابهكان، له سهرهتای مانگی ئابی ڕابردوودا ڕۆنی ڕیزی یانهی دی سیی یونایتدی ئهمهریكی جێهێشت و گهڕایهوه وڵاتهكهی و به گرێبهستێك بووه ڕاهێنهرو یاریزانی دێربی كاونتی، بهڵام بههۆی ڕێنماییهكانی یهكێتی تۆپی پێی ئینگلتهرا، تا دووی مانگی داهاتوو ناتوانێت له ڕیزی یانهكه یاری بكات
ڕۆنی تهمهن سیی و چوار ساڵ ڕایگهیاند كه له چهند ههفتهی ڕابردوودا لهگهڵ یاریزانان و تیمی ڕاهێنهرانی دێربی كاونتی مهشقی كردووهو لێك تێگهیشتنی باش له نێوانیان ههیهو ههست به ئاسوودهیی دهكات به گهڕانهوهی بۆ وڵاتهكهی، سهبارهت به توانای جهستهیی و ئاستی یاریزانهكه له یاریگاكان
ڕۆنی ئاشكرای كرد كه توانای لهشی لهو پهڕی باشی دایهو ئهگهر ئێستا داوای یاریكردنی لێبكرێت ئهوا بۆ یاریكردن ئامادهیه
کۆمێنت (0)
تا ئێستا هیچ کۆمێنتێک نەکراوە.