وەزارەتی گەنجینەی ویلایەتە یەكگرتوەكانی ئەمریكا رایگەیاند، سزای نوێ بەسەر كۆماری ئێراندا دەسەپێنن و سزاكانیش دوو دادوەری شۆڕشی ئێران دەگرێتەوە.
وەزارەتی خەزێنەی ئه‌مریكا بڵاویكردوەتەوە "هەریەك لە دادوەران ئەبو قاسم سەڵاواتی و محەمەد مه‌غیسە دەكەونە بەر سزاكانی ئەمریكا، ئەوەش بە تۆمەتی ئەشكەنجەدانی هاوڵاتیانی ئێرانی و كەسانی دیكە كە خاوەنی زیاتر لە یەك رەگەزنامەن.
ئاماژە بەوەشكراوە" حكومەتی ئێران ئەشكەنجەی پارێزەران و رۆژنامەنوسان و چالاكوانانی سیاسی داوە، كە سەر بە كەمینە نەتەوەیی و ئایینیەكانن و زیندانیكراون و لێیاندراوە و تەنانەت لەسێدارەدراون.
پێشتریش برایان هۆك، نێردەی تایبەتی ئه‌مریكا بۆ كاروباری ئێران رایگەیاند، ئەو سزا سەپێندراوانەی ئێران بە مەبەستی فشارخستنەسەر ئەو وڵاتە نیە، بەڵكو بۆ سنورداركردنی كارەكانیەتی لە بەدەستهێنانی چەكی ئەتۆمی.
کۆمێنت (0)
تا ئێستا هیچ کۆمێنتێک نەکراوە.