جێبەجێکردنی پرسی بەستنی پێوەری ئاو و رسومات و داکۆکیکردن لە بەستنی پێوەری ئاو پارێزگاری ههولێر و وهزیری شارهوانی كۆبوونهوه.
د.فرسەت سۆفی پارێزگای هەولێر لە دیوانی پارێزگای پێشوازی لە ساسان عەونی وەزیری شارەوانی و گەشتوگوزاری حكوومەتی هەرێمی كوردستان و شاندێکی یاوەری کرد کە پێکهاتبوو لە بریکاری وەزیر و بەڕێوەبەرەگشتیەکانی ناودیوانی وەزارەتی شارەوانی و بەڕێوەبەری گشتی ئاو و ئاوەڕۆ.
لەکۆبوونەوەیەکدا کە د.عەبدولحەکیم خەسرۆ سەرۆکی فەرمانگەی هەماهەنگی و بەدواداچوون و جێگری پارێزگاری هەولێر و قائیمقامی قەزای ناوەندی ئامادەی بوون، باس لە هەماهەنگی نێوان وەزارەتی شارەوانی و گەشت گوزار و پارێزگای هەولێر کرا بۆ جێبەجێکردنی پرسی بەستنی پێوەری ئاو و رسومات و داکۆکیکردن لە بەستنی پێوەری ئاو، هەروەها كێشە و گرفت و چارەسەركردنی پێوەری ئاوی ماڵان بە جۆرێك كە هاووڵاتییان زیانمەند نەبن خرایە بەرباس و گرنگی بەستنی پێوەری ئاو و كاركردن بە پێوەری ئاوی ماڵان بۆ رێگریکردن لە بەفیڕۆنەدان و پاراستنی ئاو وەک سامانێكی نیشتمانی کە نابێت بە فیڕۆبدرێت تەوەرێکی دیکەی کۆبوونەوەکە بوو.
لایەن خۆیەوە پارێزگاری هەولێر لە سەر ئاستی پارێزگا و تەواوی قەزا و ناحیەکان ئامادەیی هەموو هاوكاری و هەماهەنگییەكی نیشاندا لەگەڵ وەزارەتی شارەوانی و گەشت و گوزار بۆ جێبەجێكردنی پڕۆژەی بەستنی پێوەری ئاو و جەختی لە پێویستی هەماهەنگی زیاتری نێوان پارێزگای هەولێر و وەزارەتی شارەوانی و گەشت و گوزاری حکومەتی هەرێمی کوردستان لە هەموو رووێكەوە کردەوە.
لەکۆتایی کۆبوونەوەکەشدا تیشک خرایە سەر پڕۆژەی ئاوەڕۆیی هەولێر وەک پڕۆژەیەکی ستراتیژی و گرنگ کە بەمنزیکانە دەست دەکرێت بە قۆناغی تاقیکردنەوەی لە یەکێک لەگەڕەکەکانی شاری هەولێر.
کۆمێنت (0)
تا ئێستا هیچ کۆمێنتێک نەکراوە.