ئه‌مرۆ کۆبوونه‌وه‌ى په‌رله‌مانى کوردستان به‌رێوه‌ده‌چێت

 
له‌نووسراوێكدا هێمن هەورامی جێگری په‌رله‌مانی كوردستان بڵاوی كردووه‌ته‌وه‌ كه‌ كاتژمێر 11 ى پێش نیوه‌رۆی ئه‌مرۆ سێشه‌ممه‌ 24 ى 12 ى 2019 ، كۆبوونه‌وه‌ى په‌رله‌مانى كوردستان به‌رێوه‌ده‌چێت و داوا له‌سه‌رجه‌م په‌رله‌مانتاران ده‌كات له‌كاتى ئاماژه‌ پێدراودا ئاماده‌بن 

به‌رنامه‌ى كاری دانیشتنى ئه‌مرۆی په‌رله‌مان:  

به‌پێی حوكمی ماده‌ى (5)و بڕگه‌ی (یه‌كه‌م و دووه‌م) له‌ماده‌ى (16)و بڕگه‌ی (سێیه‌م) له‌ ماده‌ی (18)و بڕگه‌كانى (یه‌كه‌م و دووه‌م و سێیه‌م و چواره‌م و پێنجه‌م) له‌ماده‌ی (20)و ماده‌كانی (47، 48، 52، 54، 55، 56، 57) له‌په‌یڕه‌وی ناوخۆی په‌رله‌مانى كوردستان-عێراق، ده‌سته‌ى سه‌رۆكایه‌تیى په‌رله‌مان بڕیاریدا به‌رنامه‌ی كاری دانیشتنی ژماره‌ (12)ى ئاسایی ساڵی یه‌كه‌م له‌ خولــی پێنجه‌می هه‌ڵبژاردنی په‌رله‌مان له‌ كات (11)ى پێشنیوه‌رۆی رۆژی سێشه‌مه‌ رێكه‌وتی 2019/12/24 به‌مشێوه‌یه‌ بێت:

یه‌كه‌م: خوێندنه‌وه‌ی دووه‌می پێشنیازه‌ بڕیاری (رۆژانی بۆنه‌ فه‌رمییه‌كانی نه‌ته‌وه‌ی توركمان) به‌پێی حوكمی مادده‌كانی (87، 88، 89) له‌په‌یڕه‌وی ناوخۆی په‌رله‌مانی كوردستان.

دووه‌م: درێژكردنه‌وه‌ی (خولی پاییزه‌)ی ساڵی یه‌كه‌م له‌خولی پێنجه‌می هه‌ڵبژاردنی په‌رله‌مانی كوردستان به‌پێی حوكمی بڕگه‌ی (چواره‌م) له‌ ماده‌ی (7)ی په‌یڕه‌وی ناوخۆی په‌رله‌مانی كوردستان.

سێیه‌م: دانان و ده‌ستله‌كاركێشانه‌وه‌ی ئه‌م ئه‌ندامه‌ به‌ڕێزانه‌ له‌ لیژنه‌ هه‌میشه‌ییه‌كانی په‌رله‌مانی كوردستان به‌پێی حوكمی ماده‌كانی (28، 34) له‌په‌یره‌وی ناوخۆی په‌رله‌مانی كوردستان:

1ـ ده‌ستله‌كاركێشانه‌وه‌ی به‌ڕێز (عپمان علی سمایل) له‌ لیژنه‌ی (ئاوه‌دانكردنه‌وه‌و وه‌به‌رهێنان)و زیادكردنی بۆ سه‌ر لیژنه‌ی (شه‌هیدان و جینۆسایدو زیندانیانی سیاسی).
2ـ ده‌ستله‌كاركێشانه‌وه‌ی به‌ڕێز (د.هه‌ورامان حمه‌شریف) له‌لیژنه‌ی (شه‌هیدان و جینۆسایدو زیندانیانی سیاسی)و زیادكردنی بۆسه‌ر لیژنه‌ی (ئاوه‌دانكردنه‌وه‌و وه‌به‌رهێنان).
چواره‌م: خستنه‌ڕووی بیرۆكه‌ی به‌ڕێز (مه‌م بورهان قانع) په‌یوه‌ست به‌(سیاسه‌تی به‌گه‌ڕخستنی داهاته‌كان) به‌پێی حوكمی خاڵی (2)ی بڕگه‌ی (یه‌كه‌م) له‌ماده‌ی (49)ی په‌یڕه‌وی ناوخۆی په‌رله‌مانی كوردستان.

شوان عه‌زیز