راگهیاندنى پارێزگای ههولێر بڵاوی كردهوه كه کاتژمێر12:30ی شەوی ڕابردوو، بە مەبەستی لە نزیکەوە ئاگاداربوون لە ڕەوشی تەندروستی و بۆ دڵنیابوون لە پابەندبوونی ئێشکگران و فەرمانبەرانی نەخۆشخانەکە لە پێشوازی کردنی نەخۆش، د. فرسەت سۆفی پارێزگاری هەولێر بەشێوەیەکی کت و پڕولەناکاو، نەخۆشخانەی فریاکەوتنی ڕۆژهەڵاتی بەسەرکردەوە.
راشیدهگهیهنن ، لەو بەسەر کردنەوەیەدا پارێزگاری هەولێر لە نزیکەوە لە ڕەوشی ناو نەخۆشخانەکەی کۆڵییەوە و یەکە یەکەی بەشەکانی بەسەرکردوە و بەڕێوەبەری نەخۆشخانەکەشی ڕاسپارد دەستبەجێ دەست بە نۆژەنکردنەوەی ئەو شوێنانە بکەن کە پێویستیان بە نۆژەنکردنەوە هەیە.
هەروەها د. فرسەت سۆفی، ڕێنمایی بە بەڕێوەبەر و کارمەندانی نەخۆشخانەکەدا لەبەجێگەیاندنی ئەرکەکانیان و وتی، "دەبێت پەرۆشانە مامەڵە لەگەڵ کەیسی نەخۆشدا بکەن و لە خزمەتی هاوڵاتیان دابن"، ئەوەشی پێی ڕاگەیاندن کە پاک و خاوێنی دەبێ پێوەری یەکەم بێ بۆ نەخۆشخانەکە، بۆ ئەم مەبەستەش دەبێ ڕێنمایی بە بەڵێندری پاککردنەوە بدرێت.
پارێزگاری هەولێر، جەختی لەسەر پابەندبوونی تەواوی فەرمانبەران و دکتۆرەکانیش بە دواوامی نەخۆشخانەکردەوە و هەر فەرمانبەر و پزیشکێک کە ئامادەی دەوامکردنەکەی نەببوو ڕێکاری پێویستی لەبەرامبەردا گیرایەبەر.
دارشتنهوهى ههواڵ - شوان عهزیز
کۆمێنت (0)
تا ئێستا هیچ کۆمێنتێک نەکراوە.