نه‌خۆشیه‌كی ڤایرۆسیه،به‌شی سه‌ره‌وه‌ی كۆئه‌ندامی هه‌ناسه تووش ئه‌بێت یه‌ك بۆ سێ ڕۆژ دوای به‌ریه‌ك كه‌وتن له‌گه‌ڵ ڤایرۆسه‌كه،بۆ ماوه‌ی هه‌فته‌یه‌ك بۆ ۱۰ ڕۆژ به‌رده‌وام ئه‌بێت،نه‌خۆشیه‌كی ترسناك نیه و خۆی چاك ئه‌بێته‌وه دوای ته‌واو كردنی سوڕی ڤایرۆسه‌كه.
نیشانه‌كانی:
۱-لووتی ته‌ڕ ئه‌بێت.
۲-قوڕگی خوران و ئازاری ئه‌بێت.
۳-كۆكه.
٤-هه‌ست به ئازارو بێتاقه‌تی ئه‌كات.
٥-پژمه.
٦-تایه‌كی كه‌م هه‌ندێكجار تایه‌كی به‌رز.
۷-به گشتی هه‌ست به باشی ناكات.
له چ كاتێكدا پێویسته پزیشك بیبینێت:
۱-تا به‌رزتر له ۳۸ پلی سیلیزی له منداڵی خوار ته‌مه‌نی سێ مانگ.
۲-به‌رزبوونه‌وه‌ی پله‌ی گه‌رمی یان مانه‌وه‌ی تاكه‌ی بۆ زیاتر له دوو ڕۆژ.
۳-نیشانه‌كانی به‌ره‌و خراپی بڕۆن.
٤-سه‌رئێشه‌یه‌كی زۆر و كۆكه‌یه‌كی زۆر.
٥-خیزه‌ی سنگ.
٦-ئازاری گوێچكه.
۷-ئاره‌زووی خواردنی نه‌مێنێت.
۸-هۆشی به‌ره‌و خراپی بڕوات.
چۆنیه‌تی خۆپاراستن:
۱- به‌رده‌وام ده‌ستی منداڵه‌كه به سابوون بشۆ.
۲-به‌رده‌وام ئاگاداری پاك و خاوێنی مه‌تبه‌خ و حه‌مام به.
۳-به‌رده‌وام كلێنێكس به‌كاربهێنه به‌تایبه‌ت له كاتی كۆكه و پژمه،منداڵه‌كه‌ت فێر بكه له‌كاتی نه‌بوونی كلێنێكس ئه‌گه‌ر كۆكه‌و پژمه‌ی هات با سه‌ر بنێت به ئانیشكیه‌وه بۆئه‌وه‌ی ڤایرۆسه‌كه بڵاونه‌كاته‌وه.
٤-هه‌وڵ بده به‌هیچ شێوه‌یه‌ك كه‌وچك و په‌رداخی كه‌سی تووشبوو به‌كارنه‌هێنێت.
٥-هه‌وڵ بده به‌ریه‌ك كه‌وتنی له‌گه‌ڵ كه‌سی تووشبوو نه‌بێت.
چاره‌سه‌ره‌كانی له ماڵه‌وه:
۱-خواردنه‌وه‌ی بڕێكی زۆر له شله‌مه‌نی وه‌ك ئاوو شه‌ربه‌ت وه‌ك شه‌ربه‌تی گه‌رمی لیمۆ.
۲-خواردنی شۆربای مریشك.
۳-پشوودان له ماڵه‌وه.
٤-ڕێكخستنی پله‌ی گه‌رمی و شێداری ژووری پشوودانی منداڵه‌كه‌ت،نابێت زۆر گه‌رم بێت یان سارد بێت،یان ووشك بێت.
٥-غه‌ڕغه‌ڕه‌كڕدن به خوێ و ئاو (خوێواو).
سه‌رچاوه/ به‌ڕێوبه‌رایه‌تی گشتی ته‌ندروستی سلێمانی
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.