حکومەتی ئێران لە بەشێک لە شارەکاندا هێڵی ئینتەرنێتی داخستووە و رێوشوێنی ئەمنیشی گرتووەتە بەر.
بە پێی هەواڵێکی پێگەی رۆیتەرز، ژمارەیەک زۆر لە بەکارهێنەرانی تۆڕە کۆمەڵایەتییەکان لە کۆماری ئیسلامی ئێران بانگەشەی دەستپێکردنەوەی خۆپیشاندانەکان دەکەن دژی حکومتی وڵاتەکەیان و ئەمەش لە چەند رۆژی رابردوودا دەنگی بەکارهێنەرێکی زۆری کۆکردووەتە.
ئه‌مه‌ش له دوای ئه‌وه دێت لە ترسی سەرهەڵدانەوەی ناڕەزایەتیی و خۆپیشاندان لە شارەکاندا، حکومەتی ئێران هیڵی ئینتەرنێتی لە هەریەک لە پارێزگاکانی کوردستان. زەنجان و ئەلبۆرز داخستووە.
چه‌ند سه‌رچاوه‌یه‌ك لە ناوچە کوردییەکان باس لەوە دەکەن هێزە ئەمنییەکانی ئێران لەسەر شەقام و گۆڕەپانەکان بە ماتۆرسکیل و ئۆتۆمبێلی سەربازییەوە وەستاون، یان دەسووڕێنەوە و لە چەند شوێنێکی دەنگی تەقە بیستراوە.
شەوی ڕابردوو بۆ ماوەی چەند کاتژمێرێک لە شاری کرماشان خۆپیشاندان ڕووی داوە و لە نێوان خەڵک و هێزە ئەمنییەکاندا تێکهەڵچوون هاتووەتە ئاراوە.
کۆمێنت (0)
تا ئێستا هیچ کۆمێنتێک نەکراوە.