باڵیۆزخانه‌کان له‌ بری به‌غدا چالاکییه‌کان بۆ هه‌ولێر ده‌گوازنه‌وه‌

سه‌رچاوه‌یه‌كی به‌رپرس ئه‌مڕۆ چوارشه‌ممه‌ ئاشكرایكردووه‌ كه‌ هه‌ندێك له‌ باڵیۆزخانه‌كان بیر له‌وه‌ ده‌كه‌نه‌وه‌ كه‌ له‌بری به‌غدا چالاكییه‌كانیان بۆ شاری هه‌ولێر بگوازنه‌وه‌.

هه‌روه‌ها سه‌رچاوه‌كه‌ ده‌ڵێت: ئه‌م هه‌وڵه‌ی باڵیۆزخانه‌كان له‌دوای ئه‌مه‌وه‌ دێت كه‌ وای دبینن چیدیكه‌ ئاسایشی ناوچه‌ی خه‌زرا پارێزراو نییه‌ و ده‌تواندرێت له‌هه‌ر كاتێكدا بێت هێرشی بكرێته‌ سه‌ر.

گوتیشی: زانیاری ئه‌وه‌ هه‌یه‌ كه‌ واشنتن بۆ وه‌ڵامدانه‌وه‌ی به‌ ئامانج گرتنی باڵیۆزخانه‌كه‌ی چه‌ند ئه‌گه‌رێكی له‌به‌رده‌ستدایه‌.

هاوكات سه‌رچاوه‌یه‌كی سه‌ربازی ئاشكرایكردووه‌ كه‌ سه‌رجه‌م بنكه‌ی سه‌ربازییه‌كانی ئه‌مریكا له‌ عێراق ، دوای هێرشه‌كه‌ی سه‌ر باڵیۆزخانه‌ی ئه‌مریكا له‌ به‌غدا خراونه‌ته‌ ئه‌وپه‌ڕی ئاماده‌باشییه‌وه‌.

وه‌رگێڕان و داڕشتنه‌وه‌ی / رزگار

سه‌رچاوه‌ / سۆمه‌رییه‌