رێكخراوی هه‌نگاو بۆ مافه‌كانى مرۆڤ رایده‌گه‌ێنێت ، چالاکوانێكی سیاسی کورد لەلایەن دادگای شۆڕشی شاری سنە حوکمی سێدارەی بە سەردا سەپا و کەسێکی دیکەش حوکمی بەندکرانی بە سەردا سەپاوە.
رێكخراوی هه‌نگاو بۆ مافه‌كانى مرۆڤ بڵاوی كرده‌وه كه رۆژى یه‌كشه‌ممه‌ى رابردوو حوکمی سێدارەی ”هۆشمەند عەلیپوور“ چالاکی سیاسی خەڵکی سەردەشت و حوکمی پێنج ساڵ بەندکرانی ”محەمەد ئوستاد قادر“ خەڵکی سەقز بە پارێزەر و بنەماڵەکانیان ڕاگەیەندرا
راشیده‌گه‌ێنێت ، ئەو دوو چالاکە سیاسییە رۆژی 31 ى 12 ى 2019 لەلایەن لقی یەکەمی دادگای شۆڕشی شاری سنە دادگایی کرابوون.
بنەماڵەی هۆشمەند عەلیپوور بەیاننامەیەکیان لەوبارەوە بڵاو کردووەتەوە و کۆپییەکیان بۆ هەنگاو ناردووە کە هەواڵی سەپامندنی حوکمی سێدارە بە سەر ناوبراودا پشتڕاست دەکەنەوە.
محەمەد ئوستاد قادر و هۆشمەند عەلی پوور کە ئەندامی پارتی ئازادی کوردستان (پاک) بوون، ڕۆژی هەینی 12 ی گەلاوێژی 2718 ( 3ی ئاگۆستی 2018) لەلایەن هیزە ئەمنیەتیەکانی ئێرانەوە دەستبەسەر کران و شەوی 16 ی گەلاوێژ و تەنیا دوای 4 ڕۆژ لە دەستبەسەر کرانیان دانپێدانانی زۆرەملەی ئەم دوو کەسەلە تلویزیۆنی ئێرانەوە بڵاو کرایەوە.
هەنگاوئاماژه به‌وه‌ش ده‌كات كه ئه‌م دوو بەندکراوە بە توندترین شێوە ئەشکەنجە کراوە و داوایان لێ کراوە کە ناوی هاوڕێکانی خۆیان ئاشکرا بکەن.
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.