که‌شناسی هه‌رێم: له‌م ناوچانه‌ به‌فر ده‌بارێت

بەڕێوەبەرایەتی كەشناسی و بومەلەرزەزانی ھەرێمی كوردستان، ره‌وشى كه‌ش و هه‌وای   48 كاتژمێری داھاتوو راگەیاند

 به‌رێوه‌به‌رایه‌تیه‌كه‌ رایده‌گه‌ێنێت ، ئەمڕۆ ئاسمانی ھەرێمی كوردستان ساماڵ و پەڵە ھەور دەبێت پاشان دەگۆڕێت بۆ نیمچە ھەور

ئاماژه‌ به‌وه‌ش ده‌كات كه‌له‌پارێزگای هه‌ولێر  بەرزترین پلەی گەرما 14 سیلیزی ده‌بێت ،  له‌پارێزگاكانى   سلێمانی و دھۆك 11  پله‌ی سیلیزی و له‌پارێزگای كه‌ركوكیش  بەرزترین پلەی گەرما 16 پلەی سیلیزی دەبێت.

 به‌رێوه‌به‌رایه‌تیه‌كه‌ راشیده‌گه‌ێنێت ، سبه‌ى هه‌ینى  ئاسمانی ھەرێمی كوردستان لە نیمچە ھەورەوە دەگۆڕێت بۆ ھەوری تەواو لەگەڵ بارینی نمە باران لە ناوچە شاخاوییەكان بەفر دەبارێت.

شوان عه‌زیز