ریال مه‌درید هه‌وڵی به‌ده‌ست هێنانی تواناکانی سادیۆ مانی ده‌دات

راپۆرته‌ رۆژنامه‌وانیه‌كان بڵاویانكرده‌وه‌ یانه‌ی ریال مه‌درید له‌گه‌ڵ بریكاری سادیۆ مانی سه‌نیگالی هێرشبه‌ری یانه‌ی لیڤه‌رپول به‌رده‌وامه‌ له‌گفتوگۆ بۆ گواستنه‌وه‌ی ئه‌و یاریزانه‌ بۆ ریزه‌كانی

 له‌مباره‌یه‌وه‌ پێگه‌ی لیگا ده‌ سپۆرتی فه‌ره‌نسی بڵاویكردۆته‌وه‌ یانه‌ی ریال مه‌درید ته‌واوی هه‌وڵ و كۆششه‌كانی خستۆته‌ گه‌ر له‌پێناو گواستنه‌وه‌ی مانی له‌هاوینی داهاتوو

 هه‌روه‌ها رۆژنامه‌كه‌ ئاماژه‌ی بۆكردوه‌ زێنه‌دین زێدان به‌رێوه‌به‌ری هونه‌ری یانه‌ی ریال مه‌درید له‌گه‌ل مانی قسه‌ی كردوه‌ پێی راگه‌یاندوه‌ كه‌ ئاره‌زووی زۆری هه‌یه‌ مانی په‌یوه‌ندی به‌ریزه‌كانیه‌وه‌ بكات، یانه‌ی ریال مه‌درید له‌وه‌ته‌ی رۆیشتنی كریستیانۆ رۆناڵدۆی پورتوگالی كێشه‌ی گۆڵ تۆماركردنی هه‌یه‌، بۆیه‌ له‌ئێستادا ته‌واوی هه‌وڵه‌كانی خسته‌گه‌ر له‌پێناو دۆزینه‌وه‌ی هاوكارێك شانبه‌شانی كه‌ریم بنزیما یاری بكات، پێویسته‌ بوترێت سادیۆ مانی به‌پێی بۆندێك په‌یوه‌سته‌ له‌یانه‌ی لیڤه‌رپول تا سالی دووهه‌زارو بیستو سێی، به‌لام ریدز ئاماده‌یی نیشانداوه‌ بۆ فرۆشتنی ئه‌و یاریزانه‌.