ماوه‌كێ درێژه ژماره‌كا هونه‌رمه‌ندێن كورد ل ژده‌رڤه‌ی وه‌لاتی مژیلی پروژه‌كی نه ژ بو گه‌هاندنا كوردان و لێك نێزیك بونا وان وه‌كو پروژه‌ك نه‌ته‌وه‌یی خزمه‌ته‌ك بو چاندو هونه‌رێ كوردی و پشتگریا دوزا ره‌وایا گه‌لێ خوه و پشتگریا ئاشتیێ و ئازادیا كوردستانێ وان هونه‌رمه‌ندان بریار دایه ل زوربه‌یا وه‌لاتێن ئه‌وروپا ڤان كونسێرتان ساز بكه‌ن.
هونه‌رمه‌ند خه‌لیل خه‌مگین د په‌یوه‌ندیه‌كا ته‌له‌فونیدا ژ بو كوردستان تیڤی راگه‌هاند مه‌به‌ستا مه خزمه‌تا گه‌لێ مه‌یه و پروسه‌یا ئاشتیێ و دوزاره‌وا گه‌لێ كورده چونكه ژ به‌ر میلملانێن سیاسی یێن دناڤا ره‌ڤه‌ندا كورد دا بتایبه‌تی ل وه‌لاتێن ئه‌وروپا گرنگه جاره‌ك دی پێداچونه‌كێ دره‌وشا خوه‌دا بكه‌ن لهه‌ڤ نێزیك بن ل كولتورو زمان و چاندا خوه خودی ده‌ركه‌ڤن بشێن لوبیه‌ك بهێز ژ ده‌رڤه ئاڤا بكه‌ن ره‌نگه هونه‌ر بشێت به‌شه‌ك زور یێن كوردان بگه‌هینیت ئێك له‌وما ئه‌ڤه ئه‌ركێ هونه‌رمه ندئین كورده. جهێ ئاماژێ یه بیروكه‌یا ڤی پروژه‌ی به‌ریا چه‌ند مه‌هان هاتیه گفتوگو كرن ژلایێ هونه‌رمه‌ند حه‌سه‌ن شه‌ریف ڤه دناڤبه‌را وی و هونه‌رمه‌ند خه‌لیل خه‌مگین دا پشتره په‌یوه‌ندی دگه‌ل ژماره‌كا هونه‌رمه‌ندێن كورد هاتیه دانان و وان ژی ئاماده‌یا خوه دیار كریه. به‌شداری ڤی پروژێ هونه‌ری ببن ئێكه‌م كونسێرتا ئاشتیێ دێ ل رێكه‌فتی 8 ی ڤێ مه‌هێ ل باژێرێ لیڤه‌ركوزن یێ ئه‌لمانی ببه‌شداریا ژماره‌كا هونه‌رمه‌ندێن ناڤدارێن كورد برێڤه دچیت. سه‌رپه‌رشتێن ڤێ ئاهه‌نگێ دخوازن كوردێن ل ئه‌لمانیا هاریكار بین ره‌نگه جاره ئێكێ بیت ئه‌ڤ پروژێ هونه‌ری پشتی چه‌ندین سالان ڤان هونه‌رمه‌ندان بگه‌هینیت ئێك. پشتی گێرانا ڤێ كونسێرتێ ل چه‌ندین وه‌لاتێن دی ژی هونه‌رمه‌ندێن كورد دێ ئاهه‌نگێن پشتگریێ و بو ئاشتیێ سترانا بێژن.
كوردستان تیڤی- به‌رلین
کۆمێنت (0)
تا ئێستا هیچ کۆمێنتێک نەکراوە.