لێژنەی دارایی لە ئەنجومەنی نوێنەرانی عێراق رایگەیاند كە دەركردنی هێزەكانی ئەمەریكا لە عێراق كاریگەری لە سەر بارودۆخی ئابووری عێراق نابێت و جەختیشی كردەوە كە بارودۆخی ئابووری تێك ناچێت .
هەیسەم جبوری سەرۆكی لێژنەی دارایی لە ئەنجومەنی نوێنەرانی عێراق رایگەیاند كە رێككەوتنی ستراتیژی نێوان ئەمریكا و عێراق كە ساڵی 2008 مۆركراوە كاری پێدەكرێت و ئێمە پابەندین بەو رێككەوتنە و ئەو بڕیارەی دوێنێی پەرلەمانیش هیچ كاریگەری لە سەر ئەو رێككەوتنە نابێت كە تەنها دوێنێ بڕیاردراوە كە مانەوەی سەربازی بیانی لە عێراق بە كۆتا بێت ، بەوەی هێزەكانی عێراق ئامادەیی تیایە بە هەماهەنگی لە گەڵ هێزەكانی ئەو وڵاتانە بەرگری لە خاكی خۆی بكات , ئەركی ئەو هێزە بیانییانەش دوای كۆتایی هاتنی داعش بە كۆتا هات .
جبوری ئەوەشی روونكردەوە ، هیچ نیگەرانییەكمان نییە لەوەی بارودۆخی ئابووری تێك بچێت و بەردەوامیش دەبین لە سەر مانەوەی پەیوەندییە ئابوورییەكان لە گەڵ تەواوی وڵاتان بە ئەمریكاشەوە . چەندین گرێبەستی ئابووری گرنگیش لە نێوان ئێمەو ئەمریكا هەیە لە گشت كەرتەكان .
سوهێل تاهیر ...... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.