به‌ریتانیا: هیچ پلان و مه‌به‌ستێکمان نییه‌ بۆ سه‌پاندنی سزا به‌سه‌ر عێراق

وڵاتی به‌ریتانیا ره‌تیكرده‌وه‌، هیچ پلان و مه‌به‌ستێكی هه‌بێت بۆ سه‌پاندنی سزا به‌سه‌ر عێراقدا.

وتەبێژی بۆریس جۆنسون، سەرۆک وەزیرانی بەریتانیا ڕایگەیاند، هیچ پلانێکیان نییە بۆ سەپاندنی سزا بەسەر عیراقدا.

وتەبێژی بۆریس جۆنسون، سەرۆک وەزیرانی به‌ریتانیا رایگه‌یاند: جۆنسۆن له‌گه‌ڵ گه‌وره‌ به‌رپرسانی حكومه‌ته‌كه‌ی بۆ تاوتوێكردنی پرسه‌كانی خۆرهه‌ڵاتی ناوه‌ڕاست كۆبووه‌ته‌وه‌ و قسه‌شی له‌گه‌ڵ سه‌رۆك وه‌زیرانی كاربه‌ڕێكه‌ری عێراق، "عادل عه‌بدولمه‌هدی" كردووه‌.

گوتیشی، بەریتانیا داوا دەکات حکومەتی عێراق گەرەنتی بەردەوامبوونی کارەکانی هاوپەیمانێتی نێودەوڵەتی دژی "داعش" بدات.

لەبارەی ئێرانیش رایگەیاند: به‌ریتانیا نیگه‌رانه‌ له‌ هه‌وڵه‌كانی ئێران بۆ ده‌ستپێكردنه‌وه‌ی پرۆگرامی ناووكی و پیتاندنی یۆرانیۆم.