ته‌قینه‌وه‌یه‌ک له‌که‌رکوک ڕوویدا و سوپای عێراق برینداری هه‌یه‌

هه‌ڵۆ جه‌باری په‌یامنێری كوردستان تیڤى رایگه‌یاند ، به‌یانى ئه‌مرۆ چوارشه‌ممه‌ 8 ى 1 ى 2020 ، له‌گه‌ره‌كى راپه‌رینى كه‌ركوك بۆمبێكى لكێندراو  به‌ئۆتۆمبێلی كارمه‌ندێكى هه‌واڵگری عێراق ته‌قییه‌وه‌

په‌یامنێری كوردستان تیڤى راشیگه‌یاند ،  له‌رووداوه‌كه‌دا ته‌نیا زیانى ماددی به‌ر ئۆتۆمبێله‌كه‌ كه‌وتووه‌

هه‌ڵۆ جه‌باری په‌یامنێری كوردستان تیڤى راشیگه‌یاند ، هه‌ر ئه‌مرۆ چوارشه‌ممه‌ له‌شارۆچكه‌ى داقوق له‌باشووری كه‌ركوك  به‌هۆی ته‌قینه‌وه‌ى بۆمبێكی چێندراو به‌كاروانێكى سوپای عێراق 5 سه‌ربازی عێراقی برینداربوون 

په‌یامنێری كوردستان تیڤى ئاماژه‌ی به‌وه‌ش كرد كه‌ 3 له‌سه‌ربازه‌كان برینه‌كه‌یان سه‌خته‌ و به‌هۆیه‌وه‌ ڕه‌وانه‌ى نه‌خۆشخانه‌ى ئازادی شاری كه‌ركوك كراون 

دارشتنه‌وه‌ى هه‌واڵ - شوان عه‌زیز