مەولود چاوش ئۆغلۆ وەزیری دەرەوەی توركیا لە كۆنگرەیەكی رۆژنامەوانیدا لەگەڵ محەمەد عەلی حەكیم وەزیری دەرەوەی عیراق ڕایگەیاند" كوشتنی قاسم سلێمانی و ئەبو مەهدی موهەندیس هەنگاوێكی نەرێنی بوو بۆ دروست بوونی زیاتر بارگرژی لە ناوچەكە.
چاوشئۆغلۆ لە بەغدای پایتەختی عیراق دوای ئەوەی لەگەڵ عادل عەبدولمەهدی سەرۆكی كاربەڕێكەری ئەنجومەنی وەزیران و سەرۆك كۆمار كۆبوویەوە، دواتر لەگەڵ محەمەد عەلی حەكیم وەزیری دەرەوەی عیراق گفتوگۆی كرد و كۆنگرەیەكی رۆژنامەوانیان سازدا.
وەزیری دەرەوەی عیراق لای خۆیەوە ئاماژەی بەوە كرد كە ئەوان دەستوەردانی دەرەكی و هێرش لە ناوخۆدا بۆ سەر لایەنی دیكە رەتدەكەنەوە، جەختی لەوەشكردەوە كە پێویستە هەموو لایەك سەروەری خاكی عیراق بپارێزن و پێشێلی نەكەن.
هۆشداری لەوەشدا كە ڕوودانی ئاڵۆزی دەبێتە هۆی بەهێز بوونەوەی تیرۆرستان و گەڕانەوەیان بۆ ناوچەكە.
لای خۆیەوە مەولود چاوشئۆغلۆ وەزیری دەرەوەی توركیا ئاشكرایكرد كە ئەوان پشتیوانی لە عیراق دەكەن لەم دۆخە سەختەدا و ئامادەن لەگەڵ ئەمریكا و ئێران گفتگۆ بكەن بۆ كۆتایی هێنان بە بارگرژییەكانیان.
وتیشى" ئارامی عێراق بۆ توركیا گرنگە و بە هیچ شێوەیەك نایانەوێت دۆخی عیراق روو لە ئاڵۆز بوون بكات.
کۆمێنت (0)
تا ئێستا هیچ کۆمێنتێک نەکراوە.