وەزیری وزەی ئەمەریکا له پەیوەندییەکی تەلەفۆنی لهگهڵ سەرۆکی حکومەتی هەرێمی کوردستان، پەرەپێدانی پەیوەندییە ئابوورییەکانی نێوان هەرێمی کوردستان و ئەمەریکا تاوتوێكرد.
ئەمڕۆ هەینی 2020/1/10 لە پەیوەندییەکی تەلەفۆنیدا ، مەسرور بارزانی سەرۆکی حکومەتی هەرێمی کوردستان و دان برولێی وەزیری وزەی ئەمەریکا گفتوگۆیان دەربارەی پەرەپێدانی پەیوەندییە ئابوورییەکانی نێوان هەرێمی کوردستان و ئەمەریکا کرد، بە تایبەتی لە بواری وزەدا.
وەزیری وزەی ئەمەریکا ، ئامادەیی وڵاتەکەی دەربڕی بۆ وەبەرهینانی زیاتر لە هەرێمی کوردستان كە کۆمپانیاکانی وزەی ئەمەریکا رۆڵێکی کاراتر بگێڕن لە گەشەپێدانی پەیوەندییە ئابوورییەکانی نێوان هەردوولادا ، بۆ ئەم مەبەستەش لە پەیوەندیی بەردەوامدا دەبن.
کۆمێنت (0)
تا ئێستا هیچ کۆمێنتێک نەکراوە.