كارگه‌یه‌كی درووستكردنی مادده كیمیاییه‌كان له هیندستان ته‌قیه‌وه و به‌هۆیه‌وه هه‌شت كه‌س گیانیان له‌ده‌ستدا.
پێگه‌ی ئیندیا توده‌ی بڵاوی كرده‌وه و كه دره‌نگانی شه‌وی ڕابردوو كارگه‌یه‌كی درووستكردنی مادده كیمیاییه‌كان له ناوچه‌ی بویساری ویلایه‌تی ماهاراشترا له رۆژئاوای هیندستان ته‌قیوه‌ته‌وه.
پێگه‌ی ئیندیا توده‌ی ڕاشیگه‌یاند كه ئه‌و ته‌قینه‌وه‌یه له‌كاتی تاقیكردنه‌وه‌ی چه‌ند مادده‌یه‌كی كیمیایی ڕوویداوه و به‌پێی وته‌ی دانیشتووانی ناوچه‌كه‌ش ده‌نگی ئه‌و ته‌قینه‌وه‌یه زۆر به‌هێز بووه و له دووری پازده كیلۆمه‌تر بیستراوه.
سه‌رچاوه‌كه ڕاشیگه‌یاند كه به‌هۆی ته‌قینه‌وه‌ی ئه‌و كارگه‌یه‌ی درووستكردنی مادده كیمیاییه‌كان هه‌شت كه‌س له كارمه‌ندانی كارگه‌كه گیانیان له ده‌ستداوه و زیانیش به خانووه‌كانی نزیك كارگه‌كه گه‌یشتووه.
کۆمێنت (0)
تا ئێستا هیچ کۆمێنتێک نەکراوە.