ڤایرۆسی كۆرۆنا له شاری ووهان له هه‌رێمی هۆبی ناوه‌ندی چین له كۆتایی ساڵی رابردوو ده‌ركه‌وتوه و دواتر له شاره‌كانی په‌كین و شه‌نگه‌های و مه‌كاو بڵاوبوه‌ته‌وه.
له‌م باره‌یه‌وه رۆژنامەی وۆڵ ستریت جۆرناڵ رایگەیاند، ویلایەتە یەكگرتووەكانی ئەمریكا سبەی یەك شەممە گەشتێكی ئاسمانیی رێك دەخات بۆ گواستنەوەی هاوڵاتی و دیپلۆماتكارەكانی ئەمریكا لە شاری ووهانی چینی، ناوەندی بڵاوبوونەوەی پەتای ڤایرۆسی (كۆڕۆنا).
چەند سەرچاوەیەك بە رۆژنامەكەیان راگەیاندووە، فڕۆكەكە نزیكەی 230 دیپلۆماتكار لە كونسوڵخانەی ئەمریكا، هەروەها هاووڵاتیانی ئەمریكی بەخۆیان و خێزانەكانیانەوە دەگوازێتەوە.
ئەو كارەی ئەمریكاش دوای مۆڵەتی وەزارەتی دەرەوەی چین بووە بۆ ئەوەی پرۆسەكەی دەست پێبكات، چونكە ماوەی چەند رۆژێكە لەو بارەیەوە لە گفتوگۆدایە.
کۆمێنت (0)
تا ئێستا هیچ کۆمێنتێک نەکراوە.