دۆناڵد ترەمپ، سەرۆکی ویلایەتە یەکگرتووەکانی ئەمەریکا، وەڵامی داوایەکی وەزیری دەرەوەی ئێرانی بۆ دانوستان دایه‌وه و گوتی، دانوستان پێویست ناکات.
دۆناڵد ترەمپ سه‌رۆكی ئه‌مه‌ریكا لە تویتێکدا نووسیویەتی، وەزیری دەرەوەی ئێران ئاماژەی بەوەکردووە کە وڵاتەکەی بە هەڵگرتنی سزاکان ئامادەیە گفتوگۆ لەگەڵ ئەمەریکا بکات، لە بەرامبەردا ترەمپ نووسیویەتی نەخێر سوپاس، وەک وەڵامێک کە واشنتن بە هەڵگرتنی سزاکان ئامادە نییە دانوستان لەگەڵ تاران بکات.
دوێنێ محەمەد جەواد زەریف، وەزیری دەرەوەی ئێران لە لێدوانێکیدا بۆ رۆژنامەی دێرشپیگیلی ئەڵمانی رایگەیاندبوو کە تاران دوای کوژرانی قاسم سولەیمانیش، ئامادەیە دانوستان لەگەڵ ئەمەریکا بکات، به‌ڵام به مه‌رج، شیاوی باسه دۆناڵد تره‌مپ به زمانی فارسی له تویته‌كه‌یدا نووسیویه‌تی نه‌خێر، سوپاس.
کۆمێنت (0)
تا ئێستا هیچ کۆمێنتێک نەکراوە.