ساڵی 2019 رێژەی باران بارین لە هەرێمی كوردستان بەرزترین ئاستی تۆماركردووە كە لە 30 ساڵی رابردوو هاوشێوەی نەبووە و زۆرترین رێژەی باران بارینیش لە پارێزگای سلێمانی بووە,
بەپێی ئامارەكانی بەڕێوەبەرایەتی كەشناسی و بوومەلەرزەزانی سلێمانی ساڵی 2019 لەرووی كەش و هەواو رێژەی باران بارین بۆ هەرێمی كوردستان ساڵێكی جیاواز و تایبەت بووە و بەبەراورد بە 30 ساڵی رابردوو زۆرترین رێژەی باران باریووە , پڕبونی "بێڵ ماوسی " بەنداوی دووكانیش لەو ساڵەدا بووە رووداوێكی گەورەی سروشتی و لە ساڵی 1988 سەر رێژی نەكردبوو , تەنیا لە پارێزگای سلێمانی لە 2019 دا هەزار و
" 32.5" ملم باران باریووە و بەمەش پارێزگای سلێمانی بەبەراورد بە پارێزگاكانی تری هەرێم زۆرترین رێژەی باران بارینی لەو ساڵەدا تێدا تۆمار كراوە ,
لە ئامارەكەی بەڕێوەبەرایەتی كەشناسی و بوومەلەرزەزانی سلێمانی هاتووە : لە ساڵی 2019 دا تێكڕای بڕی باران بارین لە سلێمانی"1032,5"ملم بووە و كۆی بەفر بارین لەو ساڵەدا "11"سم بووە و بەرزترین پلەی گەرما لەو ساڵەدا " 44,8" پلە بووە و نزمترین پلەش "-2,5" پلە بووە , تێكڕای بوون بە هەڵم "5"ملم بووە و تێكڕای ماوەی دەركەوتنی تیشكی خۆر بە كاتژمێر"7,5" و تێكڕایی پاڵەپەستۆی هەوا لە سەر شاری سلێمانی "914,9"میلیبار بووە و بەرزترین خێرایی با لەو ساڵەدا "20,5كم/كاتژمێر " بووە و بەرزترین رادەی شێ "100%" بووە و نزمترین رادەش "%9" بووە .
کۆمێنت (0)
تا ئێستا هیچ کۆمێنتێک نەکراوە.