چین به‌توندی سزای ئه‌و به‌رپرسانه‌ ده‌دات که‌ که‌مته‌رخه‌من له‌به‌ره‌نگاربوونه‌وه‌ی ڤایرۆسی کۆرۆنا

ده‌سته‌ی به‌ره‌نگاربوونه‌وه‌ی گه‌نده‌ڵی چین ئه‌مڕۆ پێنج شه‌ممه‌ رایگه‌یاندووه‌ كه‌ سزای توندی ئه‌و به‌رپرسانه‌ ده‌دات كه‌ كه‌مته‌رخه‌من له‌به‌ره‌نگاربوونه‌وه‌ی ڤایرۆسی كۆڕۆنا.

له‌مباره‌یه‌وه‌ ده‌سته‌كه‌ له‌پێگه‌ی تایبه‌تی خۆیدا رایگه‌یاندووه‌ كه‌ هه‌ر كه‌سێك رێنماییه‌كانی سه‌رۆكی چین جێبه‌جێ نه‌كات و كارا نه‌بێت له‌ رووبه‌رووبوونه‌وه‌ی ڤایرۆسه‌كه‌، ئه‌وا سزا ده‌درێت.

هه‌روه‌ها ئه‌و كه‌سانه‌ش سزا ده‌درێن كه‌ كه‌مته‌رخه‌می له‌كاره‌كانیان ده‌كه‌ن و پاره‌و موڵكی ده‌وڵه‌ت خراپ به‌كار ده‌هێنن.

سه‌رچاوه‌ / رۆیته‌رز

وه‌رگێڕان و داڕشتنه‌وه‌ی / رزگار