سەركردەیەكی هاوپەیمانیی "فەتح"ی شیعیەكان رایگەیاند" شیعەكان ڕێككەوتنێكیان لەسەر كاندیدكردنی كەسایەتییەكی نوێ بۆ پۆستی سەرۆك وەزیران كردووە، بهلام ناوهكهى ئاشكرا نهكرد.
نەسیم عەبدوڵا سەركردە لەم هاوپەیمانییە كە دووەم گەورەترین فراكسیۆنی پەرلەمانی عێراقە، بە میدیاكانی وڵاتەكەی راگەیاندووە، لایەنە سیاسییە شیعییەكان لەسەر كەسێك ڕێككەوتوون كە جارێ بە نادیارێ ماوەتەوە و ناوی نەخراوەتە سەر زاری میدیاكان، لە كاتێكی زوودا ئاشكرا دەكرێ و ناوەكەی دەدرێتە پەرلەمان.
بە گوتەی نەسیم عەبدوڵا، ئەم كەسایەتییەی دیاری كراوە نابێتە جێی مشتومڕی لایەنە سیاسییەكان و لە شەقامی عێراقی و گۆڕەپانەكانی مانگرتووانیشدا قبووڵكراو دەبێت.
هەروەها گوتی" ئەم كاندیدە نەزاندراوە، جگە لە رەزامەندی موقتەدا سەدر ڕێبەری سەدرییەكان و هاوپەیمانیی سائیرون و هادی عامری سەرۆكی هاوپەیمانیی فەتح، رەزامەندی لایەنە شیعییەكانی تریشی لەسەرە.
کۆمێنت (0)
تا ئێستا هیچ کۆمێنتێک نەکراوە.