ئه‌مڕۆ یه‌كشه‌ممه لێژنه‌ی ته‌ندروستی چین دوایین راپۆرتی خۆی له‌باره‌ی ژماره‌ی گیانله‌ده‌ستدان به ڤایرۆسی كۆرۆنا بڵاوكرده‌وه.
لێژنه‌ی ته‌ندروستی چین رایده‌گه‌یه‌نێت: ژماره‌ی ئه‌و كه‌سانه‌ی تووشی ڤایرۆسی كۆرۆنا بوون و گیانیان له‌ده‌ستداوه بۆ 304 كه‌س به‌رز بووه‌ته‌وه.
هاوكات ئاژانسی رۆیته‌رز له‌سه‌ر زاری لیژنه‌ی ته‌ندروستی چین بڵاویكرده‌وه تا ئێستا 14 هه‌زار كه‌س تووشی ڤایرۆسی كۆرۆنا بوونه.
هاوكات یه‌كه‌مین حاڵه‌تی گیان له‌ده‌ستدان له ده‌ره‌وه‌ی چین و له وڵاتی فیلیپین تۆماركرا.
ئاژانسی هه‌واڵی سپیۆتنیكی رووسی بڵاویكردوه: لقی ته‌ندروستی وڵاتی فیلیپین له رێكخراوی ته‌ندرووستی جیهانی ئاشكرای كرد: ئه‌و كه‌سه له ره‌گه‌زی نێره و ته‌مه‌نی 44 ساڵه و دانیشتووی هه‌رێمی ووهانی چینه، له دوای بڵاوبوونه‌وه‌ی ڤایرۆسه‌كه، سه‌ردانی فیلیپینی كردووه و له‌وێ گیانی له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.