لهراگهیاندراوێكدا وهزارهتى دارایی و ئابووری ههرێمی كوردستان بڵاوی كردهوه كه ئەمڕۆ یەك شەممە 2/2/2020، بەسەرپەرشتی "ئاوات شێخ جەناب"، وەزیری دارایی و ئابووری حكومەتی هەرێمی كوردستان، لە دیوانی وەزارەت سێهەمین كۆبوونەوەی ئەنجوومەنی وەزارەتی دارایی و ئابووری بەڕێوەچوو.
راشیدهگهیهنن ، لەسەرەتای كۆبوونەوەكە، وەزیری دارایی و ئابووری، پیرۆزبایی كاری نوێی لە "ڕابەر سدیق" وەك بریكاری وەزارەت و "مریەم عوسمان" وەك بەڕێوەبەری گشتی ژمێركاری بە (وەكالەت) كرد و باس لە دۆخی دارایی و یاسای چاكسازی و پلانی ئایندە كرا.
وهزارهتى دارایی و ئابووری ههرێم دهشڵیت ، لە میانی كۆبوونەوەكەدا ئەندامانی ئەنجومەنی وەزارەت هەڵسەنگاندنیان بۆ كاری شەش مانگی ڕابردووی بەڕێوەبەرایەتیە گشتیەكان كرد و هەروەها پێشنیارو بڕیاری گونجاو درا بۆ ئایندەی كاری وەزارەت.
لە كۆتاییدا وەزیری دارایی و ئابووری ئاماژەی بەوە كرد" كە ئەولەویەتی كاری وەزارەت سەركەوتنی پرۆسەی چاكسازی و ڕووبەرووبوونەوەی گەندەڵییە.
دوپاتیشی كردەوە "كە سەركەوتنەكان و گەیشتن بە ئامانجەكان تەنها بە كاری پێكەوەیی بەدەست دێن
شوان عةزيز
کۆمێنت (0)
تا ئێستا هیچ کۆمێنتێک نەکراوە.