زێدان قه‌نائی،وته‌بێژی فه‌رمی رێكخراوی عه‌داله‌ت و گه‌شه‌پێدان كه رێكخراوێكی ناحكومییه ئه‌مڕۆ یه‌ك شه‌ممه رایگه‌یاند: دوای ئه‌وه‌ی هاووڵاتییه‌كی میسر له سعوودیه گه‌ڕاوه‌ته‌وه، یه‌كه‌مین حاڵه‌تی تووشبوون به ڤایرۆسی كۆرۆنا له میسر تۆماركرا.
گوتیشی: تووشبووه‌كه ته‌مه‌نی 28 ساڵه‌و له‌ئێستادا له‌به‌شی راگرتنی نه‌خۆشخانه راگیراوه و له‌گه‌ڵ به‌رزبوونه‌وه‌ی پله‌ی گه‌رمی له‌شی تووشی حاڵه‌تێكی ده‌روونی توند بۆته‌وه.
له‌مباره‌یه‌وه به‌رێوه‌به‌رایه‌تی ته‌ندروستی سوهاج-ی میسر ئاشكرای كردووه كه نه‌خۆشه‌كه پیشه‌ی شوفێرییه‌و بۆ كاركردن به‌ره‌و ریاز گه‌شتی كردووه، به‌ڵام رێگه‌ی پێ نه‌دراوه بچێته نێو سعوودیه،چونكه پێشتر گه‌شتكردنی بۆ نێو سعوودیه بۆ ماوه‌ی سێ ساڵ لێ قه‌ده‌غه‌كراوبوو.
ده‌شڵێت: بۆیه ده‌سه‌ڵاتدارانی سعوودیه له‌كاتی گه‌یشتنی نه‌خۆشه‌كه به فڕۆكه‌خانه، بۆ ماوه‌ی سێ رۆژ راگیریان كردووه‌و دواتر پشكنینیان بۆ كردووه‌و كه‌هه‌ڵگری ڤایرۆسه‌كه‌یه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.