لهراگهیاندراوێكدا بەرێوەبەرایەتی بەرەنگاربونەوەی توندوتیژی دژی ئافرەتان و خێزان- هەولێر بڵاوی كردهوه كه لهڕێکەوتی 31/1/2020 کەسێک بە ناوی (ف. ک. ا) ئامادەبوو لە بەڕێوەبەرایەتیهكهمان ئامادهبوو و ڕایگەیاند لەڕێگەی ئەکاونتێک بە ناوی (کچان) هەڵخەڵەتێنراوە و ڤیدیۆی گیراوە، هەڕەشەی لێ دەکرێت و داوای پارەی لێ دەکات.
راشیدهگهیهنن ، لەلایەن نوسینگەی منارەی سەر بە بەڕێوەبەرایەتیمان دوای ئاگادارکردنەوەی دادوەری لێکۆڵینەوە، تیمێك لە ئەفسەر و کارمەندان پێکهێنرا، بە هاوکاری بەشی پۆلیسی رێککاری سەر بە بەڕێوەبەرایەتی پۆلیسی پارێزگای هەولێر، توانرا تۆمەتبار لە بۆسەیەکدا لەکاتی وەرگرتنی پارە لە دادخواز دەستگیربکرێت، لەهەمان کاتدا دەستگیرا بەسەر مۆبایل و کۆمەڵێک سیمکارتی بێ ناونیشان و ڤیدیۆی نەشیاو ، کە لە کارەکەی دا بەکاری هێناوە .
بهرێوهبهرایهتیهكه ئاماژه بهوهش دهكات كه دوای وەرگرتنی وتەکانی تۆمەتبار، دەرکەوت ناوی (گ. ح. ت) تەمەن 1983 دانیشتوی شاری هەولێرە و دانی بە تاوانەکەی دانا، کە هەڵساوە بە دانانی ئەکاونتێکی ساختە بەناوی (کچان)، لە تۆڕە کۆمەڵایەتیەکان خۆی بە (کچ) ناساندووە و پیاوانی هەڵخەڵەتاندووە ، دواتر ڤیدیۆی ئەم پیاوانەی گرتووە و بۆی ناردونەتەوە و لەبەرامبەردا گەر پارەی بۆ نەنێرن بڵاوی دەکاتەوە، هەروەها دانی بەوەدانا کە ڤیدیۆی دادخوازی گرتووە و هەڕەشەی لە دادخواز کردووە و داوای پارەی لێکردووە.
راشیدهگهیهنن ، لە ئێستا دا تۆمەتبار رێکارە یاساییەکانی بەرامبەر گیراوەتە بەر.
لهكۆتادا بەرێوەبەرایەتی بەرەنگاربونەوەی توندوتیژی دژی ئافرەتان و خێزان- هەولێر رایدهگهیهنن ، داوا لە هاوڵاتیان دەکەین، لەکاتی بونی هەر حاڵەتێکی نەخوازراو بە زوترین کات پەیوەندی بکەن بە هێڵی گەرمی ژمارە (۱۱۹)، بە مەبەستی وەرگرتنی ڕاوێژی ( یاسایی، دەرونی، کۆمەڵایەتی).
یاخود سەردانی بەڕێوەبەرایەتی و نوسینگەکانی بەرەنگاربونەوەی توندوتیژی دژی ئافرەتان و خێزان بکەن.
دارشتنهوهى ههواڵ - شوان عهزیز
کۆمێنت (0)
تا ئێستا هیچ کۆمێنتێک نەکراوە.