وهزارهتى شارهوانى و گهشت و گوزاری ههرێمی كوردستان رایدهگهێنێت ، بە مەبەستی رێگریكردن لە كۆبوونەوەی ئاوی زیادە لە شەقام و گەڕەكەكانی سەنتەری شاری هەولێر، هەر لە سەرەتای هاتنی وەرزی زستانەوە، تیمەكانی فەرمانگەكانی شارەوانی و بەڕێوەبەرایەتی ئاو و ئاوەڕۆكانی هەولێر، چەند پڕۆسەیەكی خاوێنكردنەوەی ئاوەڕۆكانیان ئەنجامداوە، هاوكات چەند جارێكیش داوایان لە هاووڵاتییان كرد كە تایەی ئۆتۆمبێل و خاشاكی قورس فڕێنەدەنە ناو كونی ئاوەڕۆكانەوە، كە بەهۆیانەوە دەگیرێن و ئاوی زیادە كۆدەبێتەوە.
راشیدهگهیهنن ، لە تازەترین هەڵمەتی خاوێنكردنەوەی ئاوەڕۆكانی شاری هەولێر، بە هەماهەنگی لەگەڵ رێكخراوی GIZى ئەڵمانی و بە سەرپەرشتی بەڕێوەبەرایەتیی ئاوەڕۆكانی هەولێر لە گەڕەكەكانی: كوران، منارە، رۆشنبیری، حەسارۆك، هەروەها كۆمەڵگەی شاوێس، هەڵمەتێكی فراوان بۆ پاككردنەوەی تۆڕی ئاوەڕۆكان و چاڵی ئاو وەرگرتن و چاڵی پشكنین، بەڕێوەچوو كە پڕۆسەكەش بەردەوامی دەبێت بۆ رێگریكردن لە كۆبوونەوەی ئاوی زیادە لە شەقامی سەرەكی و گەڕەكەكان.
شارهوانى ئاماژه بهوهش دهكات كه وێڕای ئەوەی بەڕێوەبەرایەتیی ئاوەڕۆكانی هەولێر داوا لە هاووڵاتییانی شاری هەولێر دەكات كە تایە و كەلوپەل و خۆڵ و خاشاكی قورس فڕێنەدەنە ناو كونی ئاوەڕۆكانەوە، چونكە دەبێتە هۆی گیرانی ئاوەڕۆكان و دواتر كۆبوونەوەی ئاوی زیادە و ئەگەری دروستبوونی لافاوی لێدەكەوێتەوە.
دارشتنهوهى ههواڵ - شوان عهزیز
کۆمێنت (0)
تا ئێستا هیچ کۆمێنتێک نەکراوە.