له راگهیهندراوێكی بەڕێوەبەرایەتی كۆنترۆڵی كارەبای هەرێم هاتووه، هاوڵاتیان ئاگاداردهكهینهوه كه دۆخی كارەبای هەرێم ئاسای بووەوە.
ئاگاداریی هاوڵاتیانی بەڕێز دەكەینەوە كە ئێوارەی ئەمڕۆ دۆخی كارەبای هەرێم ئاسایبووەوە دوای ئەوەی دوێنێ شەو بەهۆی ئاگركەوتنەوە لە وێستگەی كۆرمۆری غازی پەستانی غاز راوەستاو بەهۆیەوە 1200 مێگاوات كارەبا كەمی كرد، ئاسایبوونەوەی دۆخەكە دوای چارەسەركردنی ئاگركەوتنەوەكە هات، بەدرێژایی ئەمڕۆ تیمە هونەرییەكانی كۆنترۆڵی كارەبای هەرێم و بەرهەمهێنانی كارەبا لەوەزارەتی كارەبا بەهاوكاری وەزارەتی سامانە سروشتیەكان و تیمە ئەندازیارییەكانی داناغاز توانییان رێگە لە گەورەبوونی گرفتەكە بگرن و سیستەمی كارەبای هەرێم دووچاری گرفتی كوژانەوەی گشتی نەبوو.
لەگەڵ ئاسایبوونەوەی دۆخەكەش دووبارە یەكەكانی بەرهەمهێنانی كارەبا لەهەردوو وێستگەی غازی چەمچەماڵ و هەولێر كاری پێكرایەوە و لەئێستادا ئاستی بەرهەمهێنانی كارەبا بۆ 3500 مێگاوات كارەبا بەرزبووەوە.
بەڕێوەبەرایەتی كۆنترۆڵی كارەبای هەرێم
5/2/2020
کۆمێنت (0)
تا ئێستا هیچ کۆمێنتێک نەکراوە.