ژماره‌ی گیانله‌ده‌ستدانی توشبووان به ڤایرۆسی كۆرۆنا له وڵاتی چین بۆ 563 كه‌س به‌رز بووه‌وه و دوو حاڵه‌تیش له ده‌ره‌وه‌ی چین تۆمار كراون كه ئه‌وانیش له فیلیپین و هۆنگ كۆنگن.
ئاژانسی هه‌واڵی فرانس پرێس له‌سه‌ر زاری به‌رپرسانی ته‌ندرووستی چین رایگه‌یاند: تا ئه‌مڕۆ پێنجشه‌ممه ته‌نها له ناوخۆی چین 563 كه‌س به‌هۆی ڤایرۆسه‌كه‌وه گیانیان له‌ده‌ستداوه و 28 هه‌زار و 200 كه‌سیش تووشی ڤایرۆسی كۆرۆنا بوونه.
لیژنه‌ی ته‌ندروستی نیشتمانی چین له ڕاپۆرتێكدا بڵاویكرده‌وه كه هه‌زار و 150 كه‌سی دیكه نه‌خۆشخانه‌كانیان به‌جێ هێشت پاش ئه‌وه‌ی چاك بوونه‌وه.
کۆمێنت (0)
تا ئێستا هیچ کۆمێنتێک نەکراوە.