له ماوه‌ی 24 كاتژمێری رابردوودا له وڵاتی چین 73 كه‌سی دیكه به‌هۆی كۆرۆناوه گیانیان له‌ده‌ستداوه، به‌مه‌ش ژماره‌ی گیانله‌ده‌ستدانه‌كان به گشتی بۆ 637 كه‌س به‌رزبووه‌وه.
هاوكات تا ئیستا له ناوخۆی چین زیاتر له سێ هه‌زار حاڵه‌تی توشبوون به ڤایرۆسه‌كه ده‌ستنیشانكراوه.
كۆمسیۆنی ته‌ندرووستی چین رایگه‌یاند: ژماره‌ی ئه‌و كه‌سانه‌ی به‌هۆی په‌تای ڤایرۆسی كۆرۆناوه گیانیان له‌ده‌ستداوه گه‌یشتووه‌ته 637 كه‌س كه له‌و ژماره‌یه دوو حاڵه‌تیان له هۆنگ كۆنگ و فیلیپین بوون.
ژماره‌ی تووشبووانیش بۆ 31 هه‌زار و 161 كه‌س به‌رزبووه‌ته‌وه كه باری ته‌ندروستی چوار هه‌زار و 821 كه‌سیان ناجێگیره.
هه‌روه‌ها ژماره‌ی ئه‌وانه‌ی گومانی توشبوونیان به ڤایرۆسه‌كه لێده‌كرێت گه‌یشتووه‌ته 26 هه‌زار و 359 كه‌س و ئه‌وانه‌شی خراونه‌ته ژێر چاودێریه‌وه ژماره‌یان به‌رزبووه‌ته‌وه بۆ 186 هه‌زار و 54 كه‌س.
هاوكات ئاشكراشی كرد كه هه‌زار و 540 كه‌س دوای وه‌رگرتنی چاره‌سه‌ری پێویست و په‌ڕاندنی ڤایرۆسی كۆرۆنا نه‌خۆشخانه‌یان جێهێشتووه و ته‌ندرووستیان جێگیر بووه.
کۆمێنت (0)
تا ئێستا هیچ کۆمێنتێک نەکراوە.