دوای کۆبوونەوەی لەگەڵ وەزیری کشتوکاڵی عێراقی، وەزیری کشتوکاڵی هەرێمی کوردستان رایگەیاند، لەگەڵ وەزیری کشتوکاڵی عێراقی لەبارەی پێکهێنانی لیژنەیەکی باڵا بۆ چارەسەرکردنی کێشەی شایستە داراییەکانی جوتیاران و کێشەکانی دیکە رێککەوتووین.
وەزیری کشتووکاڵی عێراق لەبارەی شایستە داراییەکانی جووتیارانی هەرێم رایگەیاند، دەبێت وەزارەتی بازرگانی ئەم کارە بکات، بۆ ئێمە هیچ جیاوازیەک لە نێوان جووتیارانی عێراق نییە.
هەروەها، بێگەرد تاڵەبانی، وەزیری کشتوکاڵی هەرێمی کوردستان رایگەیاند، لەگەڵ وەزیری کشتوکاڵی عێراقی لەبارەی پێکهێنانی لیژنەیەکەی باڵا بۆ چارەسەرکردنی کێشەی شایستە داراییەکانی جوتیاران و کێشەکانی دیکە رێککەوتووین و داوامانکردووە بەیەکچاو تەماشای جووتیاران بکرێت.
پارەی سێ ساڵی گەنمی جووتیارانی هەرێمی کوردستان لای بەغدایە و حکوومەت 557 ملیار دینار قەرزداری جووتیارانە، بەڵام بەغدا دەڵێت گەنمی جووتیارانی هەرێمی وەک گەنمی بازرگانی وەرگرتووە و ئامادەیە تەنها 250 ملیار دینار بنێرێت، جووتیاران و حکوومەتی هەرێمی کوردستان ئەمە رەت دەکەنەوە.
کۆمێنت (0)
تا ئێستا هیچ کۆمێنتێک نەکراوە.